Banana Beach Club D15

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Toucan-straat 1, Melville, Port Shepstone, 4240, KwaZulu-Natal
Vanaf R1 345 per nag (plek vir 4)

Beskrywing

Banana Beach Club D15 is 'n selfsorgwoonstel op die eerste verdieping in Melville aan die gewilde Hibiscus-kus tussen Hibberdene en Port Shepstone. Banana Beach Club bied 'n prettige en ontspannende ervaring. Dit is net 50 m van die strand af met direkte toegang tot die promenade, en bied 'n werklik genotvolle vakansie aan alle lede van die gesin.

Dié eenheid het slaapplek vir 4 volwassenes en 2 kinders en beskik oor 2 slaapkamers en 2 badkamers. Die eerste slaapkamer het 'n koningingrootte-bed en 'n en suite-badkamer met 'n stort-oor-bad. Die tweede slaapkamer het 2 enkelbeddens en gaste gebruik 'n aparte badkamer met 'n stort. Linne en badhanddoeke word voorsien.

Die kombuis is met 'n vierplaat-gasstoof, oond, mikrogolfoond, ketel, broodrooster, eetgerei, breekware en yskas-vrieskas toegerus. Gaste kan 'n maaltyd by die etenstafel met sitplek vir 6 geniet of in die sitarea ontspan, wat gerieflik gemeubileer is met 'n slaapbank vir kinders asook 'n TV met 'n slimboks. Gratis WiFi is beskikbaar.

Die eenheid lei na 'n onderdakstoep met 'n ingeboude braai en buitesitplek. Gaste het toegang tot 2 gemeenskaplike swembaddens, 'n trampolien, klimraam, vlugbalbaan, en putt-putt-baan, asook onderdakparkeerplek. Daar is 'n wassery op die perseel wat gaste kan gebruik teen 'n minimale fooi.

Kry ’n Kwotasie