BayDream Family Holiday Home

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Berglandstraat 9, Outeniqua Strand, Groot-Brakrivier, 6525, Wes-Kaap
Vanaf R2 500 per nag, vir 6 mense

Beskrywing

BayDream Holiday Home is in Outeniqua Strand naby Groot Brakrivier geleë en bied gehalteverblyf vir 'n gesin of groep vriende. Dit is 4 km vanaf talle winkels, restaurante, die strand, doendinge en besienswaardighede.

Die vakansiehuis beskik oor 3 slaapkamers en kan tot 6 gaste op 'n slag akkommodeer. Die hoofslaapkamer het 'n koningingrootte-bed en die tweede en derde slaapkamers het elk 2 enkelbeddens. Die hoofslaapkamer het 'n en suite-badkamer met 'n stort, toilet en wasbak, en 'n deur na die patio. Die tweede badkamer het 'n stort, hoekbad en wasbak, en daar is 'n aparte toilet met 'n wasbak.

Die kombuis is toegerus met 'n gas- en elektriese stoof, oond, yskas, mikrogolf, koffie- en teemaakgeriewe, breekware en eetgerei. Dit beskik ook oor 'n skottelgoedwasser vir gaste se gerief. Die slaapkamers en sitkamer is toegerus met plafonwaaiers.

Die sitkamer het gemaklike rusbanke asook 'n TV met Openview. Daar is 'n DStv-koppelpunt as gaste hul eie dekodeerder wil saambring. Die eetarea het sitplek vir 8 gaste en daar is onbeperkte WiFi.

Die eiendom spog met see-uitsigte vanaf die sitkamer, patio, kombuis en hoofslaapkamer.

Daar is 'n weber-braai op die patio vir gaste om te gebruik.

Gaste kry veilige parkeerplek op die perseel in 'n toesluitmotorhuis en onderdakparkeerplek waar 3 ekstra voertuie kan parkeer.

Kry ’n Kwotasie