Beaufort Manor Country House

Gastehuis

Kapasiteit: 44 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Birdstraat 13, Beaufort-Wes, 6970, Wes-Kaap
Vanaf R780 per nag, vir 1 mens
TGCSA-gradering:

Beskrywing

Beaufort Manor is in die Karoodorp, Beaufort-Wes, geleë en ons bied B&B-suites of selfsorgkothuise wat omring word deur ons pragtige roostuine.

Die dorp Beaufort-Wes is ideaal op die N1-hoofweg geleë op die pad na Durban, Kaapstad en Johannesburg. Reisigers op die langpad kies dikwels ons dorp as die ideale oornagplek. Beaufort Manor bied 'n lafenis van gemak vir alle oordeelkundige reisigers. In die hoofgebou is daar die ontvangs, eetkamerarea en sitkamers met hul weelderige gevoel. Verder bied Beaufort Manor ontwerperskamers met en suite-badkamers wat die vergestalting van elegansie en luuksheid is. Vir ons gaste wat bietjie meer privaatheid soek is daar ons selfsorgkothuise in die tuine wat oor die eenddammetjie uitkyk.

By ons kan jy smaaklike Karoo-aandetes by kerslig geniet, of in ons eetkamer, of onder die sterrehemel in die somermaande. Kies 'n lieflike bottel wyn om saam met jou driegangmaal te geniet wat deur ons vriendelike personeel bedien word. Gaste kan maaltye soos ons bekende lamsboud, tuisgemaakte hoenderpastei, bobotie, smullekker organiese groente uit die tuin, en nog baie meer geniet. Bespreek asb. om teleurstelling te voorkom. Ons uitnodigende swembad wag vir jou na 'n lang dag op die pad, kom ontspan en geniet die luisterryke Karoo.

Kry ’n Kwotasie