Blue Lagoon The Whale

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 09:00
Adres: Araucariaweg 32, Winklespruit, Amanzimtoti, 4126, KwaZulu-Natal
Vanaf R1 500 per nag (plek vir 8)

Beskrywing

Blue Lagoon The Whale is 'n lieflike selfsorgvakansiehuis in die hartjie van Winklespruit, Amanzimtoti. Dit kan 'n ideale opsie wees vir 'n groot gesin of 'n groep vriende wat die pragtige Dolfynkus wil verken.

Dié eiendom het slaapplek vir altesaam 8 gaste op 'n slag en beskik oor 4 slaapkamers, 3 badkamers en 'n gastetoilet. Die hoofslaapkamer is ingerig met 'n koninggrootte-bed en beskik oor 'n en suite-badkamer met 'n bad, stort, wasbak en toilet. Die tweede slaapkamer het 'n dubbelbed, terwyl die ander 2 slaapkamers elk 'n stapelbed het. 'n Bad is beskikbaar in die tweede badkamer, terwyl die derde badkamer 'n stort het. Alle linne en badhanddoeke word voorsien.

Die oopplan-leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook 'n skottelgoedwasser. Van die kombuis af lei 'n ruim sitkamer met gemaklike sitplek en 'n slim-TV met Netflix en Youtube. Langs die sitkamer is daar 'n eetarea met oorgenoeg sitplek vir gaste om hul maaltye saam te geniet. Vir diegene wat werk wil doen, is gratis WiFi en 'n lessenaar beskikbaar.

Buite is daar 'n ruim tuinruimte met 'n onderdakstoep wat 'n buite-etenstafel en braaigeriewe het. Gaste kry veilige parkeerplek op die perseel. Die ligging van hierdie eiendom is ongeveer 250 m vanaf die strand, 500 m vanaf Galleria Mall en die hoofstrand is 5 km ver.

Kry ’n Kwotasie