Blyde River Cabin

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 17:00
Uitkloktyd: 09:00
Adres: Erfdeel 19, Middlesex 205KT Plaas, Hoedspruit, 1380, Limpopo
Vanaf R2 190 per nag, vir 6 mense
TGCSA-gradering:

Beskrywing

Blyde River Cabin is 'n privaat houthuisie in 'n wildreservaat op die rand van 'n bedreigde rivierwoud. Hier sal die gekabbel van die Blyderivier jou van al jou sorge laat vergeet. Die opset is ideaal vir 'n gesinswegbreek, romantiese naweek of as basis om die Blyderivier Canyon, Krugerwildtuin en ander besienswaardighede in die omgewing te verken.

Die houthuisie is volledig toegerus en bied slaapplek aan 6 gaste in 3 slaapkamers waarvan 1 'n dubbelbed het en die ander 2 slaapkamers elk 2 enkelbeddens het. Daar is 2 en suite-badkamers, een met bad en die ander een met 'n stort. Die oopplan-leefarea beskik oor 'n volledig toegeruste kombuis en 'n sitarea met 'n TV met DStv.

Ander geriewe sluit lugversorging, veilige onderdakparkeerplek, 'n braai-area, 'n klimraam en sandput in. Kinders van alle ouderdomme is welkom, maar onthou asb. dat die gastehuis nie omhein is nie en dat wilde diere in die omliggende area wei. Aktiwiteite op die perseel sluit begeleide woud- of boswandelings en wild- of nagritte in.

Sit op die dek met sy pragtige uitsig oor die rivier. Ontspan en bewonder die omgewing, kyk of jy die skugter Visuil of die ander wild wat in die bosse skuil kan gewaar. Seekoeie, krokodille, nagapies, Kaapse bobbejane, waterbokke, kameelperde, koedoes, rooibokke, vlakvarke en hiënas is al van die dek af gewaar. Daar is ook tekens (klanke en spore) van meer skugter diere soos bosuile en luiperds.

Kry ’n Kwotasie