Die gas is reeds in Februarie ingelig dat daar nie WiFi by Bosnes is nie en is hy die opsie gebied om na UNWINd te verskuif teen dieselfde tarief, wat van die hand gewys is.
Die gas se eggenoot het weer daarom uitgevra en weer is dit uitgewys dat daar nie WiFi is nie. Hulle het nogtans besluit om Bosnes te bespreek, eerder as die eenheid (UNWINd) wat ons as alternatief aangebied het wat wel die verlangde fasiliteite bied.
Die fotos en beskrywing van Bosnes op LekkeSlaap en ander platforms wys pertinent uit dat dit 'n bos-huisie is, sonder WiFi, sonder kabel-TV, dat dit in die skadu van inheemse bome staan wat hul blare heel-dag afgooi en wat op die buite leefruimtes en buitebad val, en dat die huisie mufferig kan raak as dit lank toe-staan, veral as dit gereen het - wat wel die geval was. Die gas moes dus vooraf hieroor kennis geneem het en sodoende 'n ingeligte besluit neem of hy die bespreking wil bevestig, al dan nie. Menige gaste wil juis wegkom van sosiale en ander euwels van ons tyd en bespreek Bosnes spesifiek omdat hul die geleentheid om kwaliteit tyd saam hul geliefdes deur te bring, kan benut.
Woude kom (on)gelukkig met allerande gediertetjies, insluitende spinnekoppe. Enige-iemand wat die inheemse woude van die Tsitsikamma ken, sal jou vertel dat jy nou 'n spinnerak kan verwyder; netnou is dit weer daar. Insgelyks is wasgoed droogkry 'n uitdaging in meeste huise in Nature's Valley. Regstelling: dis 'n drie-slaapkamer huisie, nie ses-slaapkamers nie.
Wat die gebrek aan ventilasie aanbetref: Omdat dit 'n boshuisie is, het ons ontvogtigers geïnstalleer wat 24/7 as die plek toe-staan. Daar is genoegsame vensters en 4 x skuifdeure en kan gaste vir hul eie ventilasie verantwoordelikheid neem. Ongelukkig is bobbejane en ape 'n probleem en kan openinge nie sonder toesig oopgelaat word nie. Almal in Natures Valley het dieselfde probleem.
Handdoeke en linne is kwaliteit katoen en is gewas en gestryk twee dae voor die kliënte se aankoms. Die wasmasjien en tuimeldroeer is vir die gerief van gaste geïnstalleer - nie om linne en groot kussingslope in te was nie.
Die mede-eienaar van die kothuis het die gaste gewys hoe om te stroom (TV) en ook die kamp-stoele vir buite-gebruik uitgewys. Ongelukkig is daar nie hierop ag geslaan nie en is Malawiese rotanstoele buite-toe gedra en is dit in die reen gelos. Weens die nattigheid, het dit om die raam begin lostrek en sal ons dit ongelukkig moet vervang. Die balans van die breekskade deposito sal terugbetaal word sodra ons dieselfde stoele vind.
Ongelukkig het ons arbeidsprobleme ervaar, juis oor die gereelde en soms ongegronde klagtes van die gaste en het hulle haar weggewys toe sy wou kom skoonmaak.
Indien gaste nie van die stilte en uniekheid van 'n kothuisie in die bos, met alles wat daarmee saamkom, hou nie, is Bosnes beslis nie vir hulle bedoel nie.
NB: Bosnes is 'n rookvrye huisie.
