Bushbabies Lodge

Wildsplaas

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Dinokeng Wildreservaat, Hammanskraal, 0182, Gauteng
Vanaf R800 per nag (plek vir 2)

Beskrywing

Bushbabies Lodge is aan die Noord-Oostelike kant van die Dinokeng Groot 5-wildreservaat. Dit is ver van verkeer, musiek, ligte en die gedruis van die stadslewe af. Die manjifieke lodge spog met 'n pragtige, skaduryke grasperk en luisterryke groen tuine as middelpunt vir alle gaste om te geniet.

Die lodge het 'n verskeidenheid selfsorgverblyfopsies om van te kies. Die luukse chalets sluit 'n gesinseenheid, wittebroodsuite en veeldoelige eenheid vir paartjies in. Elke eenheid het sy eie privaat boma. Die afgesonderde wittebroodsuite het 'n verhitte plonspoel en is teen die Groot 5-grenslyn geleë.

Die lodge het ook tentkampstaanplekke wat bestaan uit koepeltente met dubbel- of enkelbeddens. Daar is ook daktente op 2 staanplekke wat ideaal is vir avonturiers en jong verkenners. Die tentkampe is elk volledig toegerus met eetgerei, breekware, 'n yskassie, linne, handdoeke, privaat ablusiegeriewe en 'n boma.

Groot karavaanstaanplekke is ook beskikbaar en elkeen het sy eie privaat ablusiegeriewe en 'n boma en is skaduryk met elektrisiteit en waterpunte.

Sekere maaltye kan voorberei word op versoek en teen ekstra koste vir alle verblyfeenhede. Spyseniering en konferensiegeriewe is ook beskikbaar.

Die lodge het 'n aanloklike, gemeenskaplike swembadarea met 'n lapa met 'n uitsig oor die watergat waar wild graag vergader. Daar is ook 'n skaduryke braai-eiland wat 'n vriendelike, familie-atmosfeer het en beskikbaar is aan alle gaste. 'n Eerlikheidskroeg en -snoepie is 'n gewilde aantrekking, en gaste kan gerus hierdie winkeltjie by die lapa-area besoek indien hulle peuselrig is. Vuurmaakhout, gebottelde water, ys en vuuraanstekers is beskikbaar by ontvangs.

Daar is 'n bosstyl-kinderspeelarea wat niemand sal teleurstel nie. Die speelarea sluit 'n plonspoel, rotsklimmuur en groot, interaktiewe swartbordmuur in. Die lodge is omhein en gaste kan lekker gaan fietsry.

Aktiwiteite in die Dinokeng-wildreservaat is eindeloos. Bushbabies Lodge bied begeleide wildritte, boswandelinge, mobiele spa-behandelinge en individuele potjie-etes wat op 'n silwer skinkbord met die hand by eenhede afgelewer kan word.

Bushbabies Lodge is die beste bosveld-wegbreekplek en sal jou stoutste verwagtinge oortref.

Kry ’n Kwotasie

Dít is wat jy hier sal kry

Gratis, veilige parkeerplek

WiFi

Konferensiegeriewe

Wildritte

Swembad

Resensies

4.7/ 5

Gebaseer op 48 resensies

Uitstekend

Netheid

4.8

Ligging

4.6

Waarde vir geld

4.7

Diens

4.7

Veiligheid

4.8

Gaste se hoogtepunte

Marianne K

Gesin met tieners

5.0

Paradys in die bosveld. Stukkie paradys in die bosveld. Asemrowend mooi en rustig. Kon lekker ontspan. Sal enige tyd aanbeveel. Dankie vir die gasvryh...

Sien meer

Okt 2024

Dirk S

Gesin met klein kinders

5.0

Gekry wat ons gesoek het. Rus en vrede. Lekker! Great fasiliteite en rustig verby. Die speelplek vir die kinders is fantasties en veilig. Ons sien jul...

Sien meer

Okt 2024

Francois P

Saam met lewensmaat

5.0

Great break away destination. Definitely another jewel of Dinokeng, great hospitality and a great break away from the busy city life. W...

Word in die oorspronklike taal vertoon.

Sien meer

Sep 2024

Thies G

Saam met vriende

5.0