BusinesShelf 2 Guest House

Gastehuis

Kapasiteit: 20 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Nieshoutstraat 16, Kathu, 8446, Noord-Kaap
Vanaf R1 525 per nag, vir 2 mense

Beskrywing

BusinesShelf 2 Guest House is 'n pragtige gastehuis wat in die hartjie van die Kalahari in Kathu geleë is. Dit kan tot 20 gaste akkommodeer en bied 'n huislike atmosfeer.

Daar is 10 kamers wat op versoek as enkelkamers, dubbelkamers of gedeelde kamers gebruik kan word. Die kamers, met hul soliede houtmeubels, het elkeen hul eie lugversorging, wat dit knus en warm hou in die winter en lekker koel in die somer. Elke kamer is ingerig met 'n gemaklike bed en beskik oor 'n badkamer met 'n stort, toilet en wasbak. Verder het elke kamer 'n yskassie.

Die gastehuis bied ook konferensiegeriewe en gratis WiFi. Alhoewel dit as 'n gastehuis funksioneer, kan middagetes en aandetes op versoek voorberei word. Ontbyt kan teen 'n ekstra koste gereël word. Die gastehuis bied 'n lieflike ontspanningsarea met 'n swembad, pooltafel en braai.

Die veiligheid van gaste is 'n topprioriteit. Die eiendom is beveilig met groot afstandbeheerde skuifhekke, en hoë mure, en bied veilige parkeerplek vir voertuie. 'n Kragopwekker is beskikbaar vir onverwagte kragonderbrekings, en die gastehuis het sy eie boorgat, dus word geen munisipale water gebruik nie.

Kry ’n Kwotasie