Cabin Sela

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: De Villiers-straat 116, De Kelders, Gansbaai, 7220, Wes-Kaap
Vanaf R1 500 per nag (plek vir 2)

Beskrywing

Cabin Sela is 'n lieflike huisie in die hartjie van De Kelders in Gansbaai. Dit is 'n ideale opsie vir 'n rustige wegbreek aan die Overberg se kus.

Die huisie bied slaapplek aan 2 gaste en beskik oor 'n slaapkamer en 'n badkamer. Die slaapkamer het 'n koningingrootte-bed met glas skuifdeure wat oopmaak na buite. Die badkamer het 'n stort, wasbak en 'n toilet.

Die oopplan-leefarea beskik oor 'n kombuisie wat met 'n tweeplaatgasstoof, mikrogolfoond, yskas-vrieskas, eetgerei, breekware, klein dishwasher en 'n Nespresso-masjien toegerus is. Daar is ook 'n etenstafel en 'n sitarea met gemaklike sitplek en 'n TV. Beperkte WiFi is ook beskikbaar.

Buite is daar 'n houtdek met sitplek en braaigeriewe. Die huisie is net 100m vanaf die strand en net 'n entjie se ry vanaf Gansbaai se middedorp.

Kry ’n Kwotasie