Cape Capsules Backpackers

Rugsakreisigerslosies

Kapasiteit: 13 persone
Geen kinders onder 6
Inkloktyd: 14:00 tot 17:00
Uitkloktyd: 10:00
Adres: Royalweg 43, Muizenberg, Kaapstad, 7966, Wes-Kaap
Vanaf R798 per nag, vir 2 mense

Beskrywing

Cape Capsules Backpackers bied luukse rugsakreisigersverblyf wat ideaal is vir jong volwassenes en buitelanders. Dit is in Muizenberg, net 'n entjie van die strand af.

Verblyf word in slaapsale gebied. Daar is Premier- en Deluxe-slaapareas wat kan sluit. Elke slaaparea het kragproppe en anti-allergiese linne en kussings. Haardroërs en haartange is beskikbaar. Daar is 8 kluise met slotte op 'n eerste-gesien-eerste-bedien-basis.

Daar is ook 2 gemeenskaplike badkamers met storte, toilette en wasbakke. Elke badkamer het komplimentêre sjampoe, opknapper, handewasseep en toiletpapier.

Die gemeenskaplike kombuis is met 'n mikrogolf, broodroosters, kookgerei, eetgerei en breekware toegerus. Tee- en koffiemaakgeriewe is ook beskikbaar.

Daar is 'n kuierarea voorin die verblyf met 'n tafel, stoele, veerpyltjiebord, pooltafel en 'n klein versameling boeke. Daar is ook 'n agterstoep met braaigeriewe, hangmatte en sitplek. WiFi is beskikbaar.

Verder is daar ook 'n kiosk waar noodsaaklike items, soos pynpille, skeermesse, tandeborsels, tandepasta, water en koeldrank aangeskaf kan word.

'n Kontinentale ontbyt en wasgoeddiens is teen 'n ekstra koste beskikbaar. 'n Pendeldiens en toerpakkette kan op versoek gereël word. Daar is ook 'n strykyster en strykplank.

Kry ’n Kwotasie