Imbabali Retreat & Venue Cottage 2
- Kapasiteit: 5 persone
- Alle ouderdomme is welkom
-
Inkloktyd: 14:00 tot 19:00
Uitkloktyd: 10:00 - Adres: R560 Hekpoort-weg, Erfdeel RH27, Magaliesburg, 1790, Gauteng
- Vanaf R3 810 per nag, vir 5 mense
Beskrywing
Imbabali Retreat & Venue Cottage 2 is 'n versteekte juweel in Hekpoort in Magaliesburg, net 'n uur vanaf Johannesburg en Pretoria. Die kothuis skuil tussen die voorheuwels van die majestueuse Magaliesberge waar daar 'n ryk geskiedenis en 'n rits buitemuurse aktiwiteite is.
Die kothuis bied slaapplek aan 5 gaste en beskik oor 2 slaapkamers en 'n badkamer. Die eerste slaapkamer het 3 enkelbeddens en die tweede slaapkamer het 2 enkelbeddens. Die badkamer het 'n stort, wasbak en 'n toilet.
Die leefarea beskik oor 'n kombuis wat met 'n tweeplaatstoof, mikrogolfoond, yskassie, eetgerei, breekware en tee- en koffiemaakgeriewe toegerus is. Die sitarea het gemaklike sitplek en gratis WiFi. Buite is daar 'n privaat stoep met braaigeriewe en 'n plonspoel. Veilige parkeerplek is in 'n dubbelmotorhuis op die perseel beskikbaar.
Imbabali Retreat and Venue bied 'n rustige en ontspannende omgewing met 'n klimraam vir die kinders en 'n restaurant wat ontbyt, middagete, aandete en peuselgoed bedien. Ontbyt kan teen 'n ekstra koste by die kothuis bedien word. 'n TV en gratis WiFi is by die restaurant beskikbaar of gaste kan die geriewe vir konferensies, vergaderings, funksies, troues en spanbou-sessies bespreek. Houtskool, hout en ys is teen 'n ekstra koste beskikbaar.
Imbabali Retreat & Venue is 'n toevlugsoord vir natuurentoesiaste en spog met 'n diverse oorvloed fauna, flora en voëllewe. Die Magaliesberge is die tuiste van 450 voëlsspesies, insluitend die kransaasvoël, grootswartooievaar en witrugnagreier. 'n Gedetailleerde voëllys vir die area is vir kranige voëlkykers beskikbaar.
Daar is 'n verskeidenheid aktiwiteite vir elke lid van die gesin op die perseel. Vir hengelaars is daar baars, karp, kurper en geelvis om op 'n vang-en-vrylaatbasis te vang.
Gaste kan die perseel verken, voëlkyk of 'n spa-behandeling bespreek. Die verblyf beskik oor 'n swembad, veerpyltjiebord, tafeltennis en 'n biblioteek wat gaste kan gebruik.
Kamer-opset
Slaapkamer
3 x Enkelbed / Driekwartbed
Slaapkamer
2 x Enkelbed / Driekwartbed
Badkamer
Stort, Toilet
Dít is wat jy hier sal kry
Resensies
Ontmoet jou gasheer
Kyk ’n bietjie na die gasheer se rekord en hul ander blyplekke se resensies. Sien gasheer se profiel
4.7/5
Catherine Geverifieer
Eiendomme 5
Resensies 23
Op LekkeSlaap 5 jaar
Ligging
- R560 Hekpoort-weg, Erfdeel RH27, Magaliesburg, 1790, Gauteng
- Gaste dink Imbabali Retreat & Venue Cottage 2 het ’n goeie ligging
Sien meer verblyf in Wes-Rand Wieg van die Mensdom Gauteng
- Kapasiteit: 5 mense
- Alle ouderdomme is welkom
-
Inkloktyd: 14:00 tot 19:00
Uitkloktyd: 10:00 - Adres: R560 Hekpoort-weg, Erfdeel RH27, Magaliesburg, 1790, Gauteng
Welkom by LekkeSlaap
Welkom terug!
Verander jou wagwoord?
Sluit by ons nuusbrief aan!
Skep ’n profiel om jou besprekings te bestuur
Teken by jou LekkeSlaap-profiel in
Vul jou e-posadres in om te begin
Teken in om spesiale aanbiedinge te ontvang