CSkulpie

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Villa Fontana, Lutie Katz-rylaan, Yzerfontein, 7531, Wes-Kaap
Vanaf R1 800 per nag (plek vir 4)
TGCSA-gradering:

Beskrywing

CSkulpie bied verblyf in 'n woonstel op die eerste verdieping van die Villa Fontana-kompleks in die kusdorpie Yzerfontein. Dit is stapafstand van verskeie eetplekke af.

Die eenheid is geskik vir 4 gaste. Daar is 2 slaapkamers en 2 badkamers. Die eerste slaapkamer het 'n dubbelbed met en suite-badkamer met 'n stort. Die tweede slaapkamer het 'n dubbelbed met ingeboude kaste en 'n aparte badkamer met 'n bad en stort. Daar is 'n enkelbed in die leefarea. 'n Haardroër, al die beddegoed en handdoeke word voorsien, maar gaste moet asb. hul eie swemhanddoeke bring.

Die oopplan-kombuis is met 'n oond, 'n vierplaatgasstoof, mikrogolfoond, lugbraaier, yskas-vrieskas, wasmasjien en 'n skottelgoedwasser toegerus. Die eet- en sitarea is ruim en daar is 'n stoep met 'n gasbraai en 'n see-uitsig.

Verder het die woonstel gratis WiFi en 'n slim-TV. Daar is veilige parkeerplek op die perseel vir 1 voertuig, maar gaste moet vooraf reël as hulle nog parkeerplek benodig. WiFi is gedurende kragonderbrekings beskikbaar.

CSkulpie is naby koffiewinkels, eetplekke, voetslaanroetes en die strand. Dit is ook 19 km vanaf die Weskus Nasionale Park, 11 km vanaf die Tienie Versfeld Natuurreservaat en 17 km vanaf die Buffelsfontein Wild- en Natuurreservaat.

Kry ’n Kwotasie