De Branders 38

Baie lekker gekuier in Hartenbos!

Sal De Branders 38 enige dag aanbeveel. Alles wat jy nodig het is daar. Die binne braai was 'n absolute wenner. Die feit dat elke kamer sy eie badkamer het, is ook 'n groot bonus.

Lekkerste ontspan.

Dit was so lekker. Stap afstand na alles wat jy nodig het. See reg voor jou.

Beste see uitsig! Verseker die moeite werd.

Lieflike plek en ons het heerlik ontspan. Die ligging is perfek en die uitsig oor die see kan nie beter nie. Voel of jy op 'n skip is. Ons het net gemis waar ons dat daar nie handdoeke verskaf word nie, so moes die eerste aand sonder dit klaarkom en die volgende dag gaan koop. Verder was die plek tops. Ons kom kuier verseker weer.

Wonderlike akkommodasie, skoon, netjies, goed toegerus, amazing view.

Ons het baie lekker gebly.

By tye ongemaklik a.g.v. die dorpsmense.

Die plek en ligging was fantasties.

In the heart of Hartenbos.

Op die strand mooi uitsig. Loodgieterswerk kort aandag. Hoofslaapkamer se badkamer is buite werking; die toilet stoot in die stort op en die stort loop nie uit nie. DSTV is buite werking, asook die WiFi.

Meer verwag.

Eenheid is meer ingerig om te dien as huisie by die see as vir verhurings. Kinders se kamer het geen kas beskikbaar nie, enigste kas is gemerk privaat. Die ervaring sal verbeter kan word indien daar belê word in eenvormige breekware, oortrek lakens, duvet covers, badhanddoeke en WiFi. Genoegsame pap bakkies ontbreek, daar is 'n kombinasie van nagereg bakkies wat te klein is en 'n klomp breekware was reeds beskadig by aankoms. Die DStv was eers na ons 2de nag geaktiveer (na 2 navrae gerig was); dit was toe ook die laaste oggend teen 06h00 al gedeaktiveer. Die eenheid bied geen WiFi nie, mens verwag darem DStv vir die volle duur van jou verblyf.

Amzing.

Ons het dit vreeslik geniet. Lekker by die see. Kids het op strand gespeel en ons kon hulle sien van die stoep. Lekker sentraal geleë. Kan orals stap.

Pragtige uitsig, gerieflik naby winkels en restuarante. Lieflike woonstel.

Kan definitief hierdie woonstel aanbeveel.

Uitstekend en rustig plek. Lekker ruim vertrekke met alles wat jy nodig het om jou verblyf onvergeetlik te maak. Sal definitief die eenheid aanbeveel vir 'n lekker wegbreek.

Sien sterre.

Verblyf was skoon, netjies, alles en meer wat ons benodig het was beskikbaar.

Veilige area. Mooi see-uitsig. Eienaar was baie behulpsaam en vriendelik. Sal definitief weer gaan.

Baie netjies, goed toegerus en 'n fantastiese uitsig, sal vir seker weer daar gaan bly.

Baie sentraal en loopafstand van winkels.

Onvergeetlike vakansie.

Heerlike huislike atmosfeer met baie geriewe. Veilige parkering. Eienaars was so behulpsaam en vriendelik. Sal dit vir almal aanbeveel.

Lekker naby alles.

Sien sterre.

Baie lekker vakansiebestemming.

Lekker, goed toegeruste woonstel, perfek geleë.

Baie rustige en gerieflike verblyf.

Verblyf baie netjies teen billike prys.

Asemrowend.

Wonderlik om elke oggend met die see wakker te word en te gaan slaap met die gedruis van die see. Loopafstand van die sentrum met verskeie winkels. Veilig en gerieflik.

Uitstekend geleë.

Goeie ligging en swem area is reg voor woonstel. Binne loopafstand na strand en besighede. Baie netjies.

As ons meer as 5 sterre kon gee sou ons! 'n Wonderlike ervaring!

Die netheid, ligging en gerieflikheid was van topgehalte! Ons sal vir seker weer bespreek!

Groot en netjiese eenheid.

Daar is ook alles wat jy nodig het.

Baie goeie ligging in die middel van Hartenbos met 'n lieflike uitsig.

Die eenheid is knus maar was voldoende vir ons behoefte. Die beddens slaap baie lekker en die seegeluid is wonderlik! Die tweede slaapkamer het nie vensters nie, wat dit moeilik maak as mens deel met ander volwassenes. Sou dink dat mens WiFi sou insluit en ook handdoeke (al is dit teen ekstra koste). Vat asb. 'n badmat saam - dit word nie genoem nie. As handdoeke en WiFi ingesluit is, is dit die prys werd!