Die Kussinkie

Selfsorg

Gratis kansellasie tot 24 uur voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 21:00
Uitkloktyd: 09:00
Adres: Murray-straat 45, Hospitaalheuwel, Beaufort-Wes, 6970, Wes-Kaap
Vanaf R650 per nag, vir 2 mense

Beskrywing

Die Kussinkie bied selfsorg-verblyin 'n stil woonbuurt genaamd Hospitaalheuwel, net 2 km van Beaufort-Wes se dorpskern af met veilige parkeerplek agter 'n heining. Beaufort-Wes lê in die hartjie van die Groot Karoo en is die ideale blyplek vir besoekers wat hierdie droë streek wil verken.

Verblyf word in 3 eenhede met aparte ingange gebied. Eenheid 1 en 2 het 'n slaapkamer met 'n dubbelbed en 'n slaapbank, leefarea en 'n badkamer met 'n stort. Die eenhede het lugversorging, 'n mikrogolfoond, yskas, ketel, tee, koffie, beskuit en DStv. Buitebraaigeriewe word ook vir eenhede 2 en 3 voorsien. Restaurante en ander eetplekke is in die middedorp, sowat 2 km vanaf Die Kussinkie, en die Karoo Nasionale Park is minder as 30 minute weg.

Eenheid 3 kan gesinne met kinders of gaste wat enkelbeddens verkies, akkommodeer. Die eenheid bestaan uit 'n slaapkamer met 2 enkelbeddens en 'n badkamer met 'n stort.

Beaufort-Wes is een van die min dorpies waardeur die N1 loop en is ook die oudste dorp in die Sentrale Karoo. Professor Chris Barnard, die bekende hartchirurg, word vereer in die plaaslike museum. Hy het grootgeword op die dorp en sy vader was 'n predikant by die Nederduits Gereformeerde Kerk. Besienswaardighede in die omgewing: donkiekartoere, die Karoo Nuweveld 4x4-Roete en Bergplaats Wildreservaat vir wildkyk, perdry en bergfietsry.

Kry ’n Kwotasie