Eastbury Cottage

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Luytstraat 36, Eastcliff, Hermanus, 7200, Wes-Kaap
Vanaf R1 210 per nag, vir 2 mense

Beskrywing

Eastbury Cottage bied selfsorgverblyf en 'n B&B-opsie, en is in Eastcliff, Hermanus, geleë. Dié gewilde vakansiedorp skuil aan die Wes-Kaap se suidkus en is wêreldbekend vir fantastiese walviskyk-geleenthede vanaf die land en see. Die natuurskoon, matige klimaat, buitelug-doendinge, ryk plantegroei en ligging naby Kaapstad, maak dit die ideale basis vanwaar jy die Kaapse Overberg kan verken.

Verblyf word gebied in 4 eenhede met slaapplek vir 2 tot 4 volwassenes in elke individueel versierde eenheid. Elke kamer het 'n tweeplaat-gasstoof, yskassie, mikrogolf, ketel, broodrooster, eetgerei en breekware. Ander kamergeriewe sluit 'n platskerm-TV met sekere DStv-kanale, 'n DVD-speler en WiFi in. Daar is komplimentêre toiletware en tee- en koffiemaakgeriewe, en linne en handdoeke word voorsien. Strandhanddoeke is op versoek beskikbaar.

Eastbury Cottage se ligging is sentraal en dis net 'n entjie se stap vanaf restaurante, winkels, die kranspaadjie teen die kus, die Marine-getypoel, die hawe en ander geriewe.

Kry ’n Kwotasie