Elizabeth House

Selfsorg

Langtermynverblyf-aanbod 20% af

Kry 20% af vir verblyf wat 14 nagte of langer is. Hierdie aanbod is altyd geldig.

Soos Gesien op Facebook
Kapasiteit: 14 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Elizabeth-straat 44, Seaview, Gqeberha (Port Elizabeth), 6011, Oos-Kaap
Vanaf ~~R4 100~~ R3 280 per nag, vir 14 mense

Beskrywing

Elizabeth House is 'n lieflike selfsorghuis in Seaview, Gqeberha (Port Elizabeth), teen die Indiese Oseaan. Hier kan gaste 'n pragtige see-uitsig geniet, rustig op die dek met 'n glasie Suid-Afrikaanse wyn in die hand sit en kyk hoe die son sak terwyl die dolfyne in die branders baljaar, en gedurende winter kan hul kyk hoe die walvisse 'n draai kom maak.

Elizabeth House bied slaapplek aan 14 gaste en beskik oor 4 slaapkamers. Die eerste slaapkamer het 'n koningingrootte-bed en die tweede, derde en vierde slaapkamer het elk 'n dubbelbed. Verder het die huis oor 2 dubbelslaapbanke en 2 enkelslaapbanke. Die huis het 3 badkamers met 'n bad, stort en toilet elk, en 2 gastetoilette.

Die kombuis is met 'n wasmasjien, skottelgoedwasser, stoof, oond, mikrogolf, yskas-vrieskas, ketel, broodrooster, 'n gietysterpot, kombuisgerei, potte en panne toegerus. Die eetarea het 'n etenstafel met sitplek vir 8 gaste. Die sitarea en kuierarea het 'n TV met die volledige DStv-pakket en 'n DVD-speler, 'n binnebraai, en 'n kombuisie met 'n yskassie. Gratis WiFi is beskikbaar.

Buite is daar 'n groot dek, 'n stoep met 'n hangmat, 'n privaat tuin en braaigeriewe. Daar is ook 'n swembad en 'n veiligheidsnet is op versoek beskikbaar. Die tuin is omhein en die hekke werk met elektrisiteit. Die alarmstelsel is gekoppel aan 'n privaat sekuriteitsfirma. Veilige parkeerplek is op die perseel beskikbaar.

Kry ’n Kwotasie