Emden Bass

Selfsorg

Gratis kansellasie tot 1 week voor jou verblyf!
Kapasiteit: 60 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R26, Emden-plaas, Fouriesburg, 9730, Vrystaat
Vanaf R500 per nag, vir 2 mense

Beskrywing

Emden Bass is 'n bekoorlike plaashuis op 'n plaas en bied gerieflike selfsorgverblyf omring deur die pragtige Witteberg-, Rooiberg- en Malutibergreeks. Die plaas is sowat 19 km vanaf die Vrystaatse dorpie Fouriesburg geleë waarvan 12 km hiervan grondpad is. Emden is net 'n kort motorrit vanaf die Caledonspoort-grenspos in Lesotho.

Daar is 3 eenhede, naamlik die Hoofhuis, Die Melkstal en die kampterrein.

Die hoofhuis het 3 slaapkamers met slaapplek vir 6 gaste. Daar is elektriese komberse en muurverwarmers beskikbaar. Die badkamer het 'n stort en 'n bad. Die kombuis het 'n yskas, mikrogolfoond, stofie, ketel, koffiemasjien, rooster, eetgerei en breekware. Daar is 'n sit- en eetkamer by die buitebraai met 'n wasbak vir skottelgoed, asook 'n swembad beskikbaar vir gaste om te benut.

Die Melkstal het slaapplek vir 14 gaste en is ideaal vir 'n groot groep vriende of familie. Daar is 14 enkelbeddens en linne en handdoeke word voorsien. Die 2 badkamers het storte en 3 toilette. Die kombuis is toegerus vir selfsorgdoeleindes en het 'n ketel, mikrogolfoond, stofie, broodrooster, yskas, eetgerei en breekware. Braaigeriewe en gasverwarmers is beskikbaar. 'n Groot eetkamertafel bied 'n gesellige kuier-area. Buite is daar sandsteentafeltjies met sambrele, waaronder gaste kan ontspan. Daar is 'n groot braai- en vuurmaakarea.

Baarsvang is 'n kampeerterrein en het 'n gemeenskaplike buite-opwasarea en elektriese kragpunte. Daar is ook 'n badkamer met 'n stort, toilet en 'n wasbak.

Gaste kan lekker in die swembad afkoel of gaan visvang, voetslaan, fietsry, sterrekyk, die plaas-aktiwiteite dophou. Besienswaardighede in die omgewing sluit Meiringskloof-natuurreservaat, Afriski en Maluti-toere in Clarens, voetslaanroetes en Ventersberg Stables in. Fouriesburg het gehalte-restaurante, soos Die Plaasstoep, Country Inn, Windmill Pub en Grill en Jen Lee's en Dorety sentrum bied pragtige geskenkwinkeltjies.

Die verblyf word deur sonkrag aangedryf en word nie deur beurtkrag geraak nie.

Kry ’n Kwotasie

Dít is wat jy hier sal kry

Tee en koffie

Swembad

Resensies

4.5/ 5

Gebaseer op 30 resensies

Uitstekend

Netheid

4.6

Ligging

4.4

Waarde vir geld

4.3

Diens

4.6

Veiligheid

4.7

Gaste se hoogtepunte

Marie N

Saam met lewensmaat

5.0

Rustig en pragtige omgewing. Dankie vir julle gasvryheid. Ons het so lekker gebly en gekuier. Netjies en gerieflik. Rustige en mooi natuurskoon omgewi...

Sien meer

Aug 2024

Ninon S

Saam met vriende

5.0

Mooi, veilige verblyf. Netjiese verblyf in 'n pragtige omgewing.

Apr 2024

Jo-lene V

Saam met vriende

5.0

Mooi en rustig. Ons het baie lekker gebly. Baie mooi en netjies. Sal vir seker weer teruggaan.

Sep 2023