Fairview on First

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 1ste Laan 128, Kleinmond, 7195, Wes-Kaap
Vanaf R2 400 per nag (plek vir 6)

Beskrywing

Kleinmond - Fairview on First is ’n gerieflike selfsorgeenheid vir 6 gaste in Kleinmond.

Die eenheid op die eerste verdieping beskik oor 3 slaapkamers, 2 badkamers, ’n kombuis en ’n sitarea. Die hoofslaapkamer het ’n koningingrootte-bed en ’n en suite-badkamer met ’n stort. Die tweede slaapkamer het ’n koningingrootte-bed en die derde slaapkamer het 2 enkelbeddens. Hierdie 2 slaapkamers deel die gebruik van ’n badkamer wat ’n stort en bad het. Luukse Egiptiese katoenlinne en badhanddoeke word voorsien, en gaste moet asb. hul eie swemhanddoeke saambring.

Die oopplan-kombuis is met ’n stoof, oond, mikrogolfoond, yskas en tee- en koffiemaakgeriewe toegerus. Etes kan by die toonbank geniet word.

In die sitarea is daar ’n TV met ’n internet konneksie om Netflix, Showmax en Youtube te kyk. Daar is ook ’n braai-area binne wat lei na ’n balkon met ’n eetarea en ingeboude braai-area wat ’n 180 grade-uitsig oor die see bied. Gedurende die wintermaande kan die kaggel ook aangesteek word. Daar is ’n skoonmaakdiens op versoek en teen ’n ekstra koste beskikbaar.

Kleinmond - Fairview on First is 1 km vanaf verskeie restaurante en die Kleinmond-hawe, en 1,5 km vanaf Kleinmond-strand. Kleinmond bied ’n groot verskeidenheid aktiwiteite, soos visvang, stap, voetslaan, fietsrypaadjies, en perdry om die groot verskeidenheid fynbos, proteas en voëls in die area te sien. Gaste kan ook besienswaardighede soos die Hangklip-vuurtoring en die Bee and Kie-heuningfabriek besoek.

Kry ’n Kwotasie