Fly Fishing Paradise

Selfsorg

Kapasiteit: 30 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Langs die S1053, Parys, 9585, Vrystaat
Vanaf R550 per nag (plek vir 2)

Beskrywing

Fly Fishing Paradise is op die oewer van die Vaalrivier geleë en bied 'n ontspanne wegbreek net 15 km vanaf Parys.

Gaste het 'n keuse van grasdak-eenhede wat slaapplek vir tussen 2 en 4 gaste het. Drie eenhede beskik oor 2 slaapkamers en die ander eenhede is elk oopplan en het koninggrootte-beddens of koningingrootte-beddens en 2 enkelbeddens. Elkeen van die eenhede het 'n en suite-badkamer met 'n stort en 'n toilet.

Elke eenheid het 'n oopplan-kombuis wat met 'n tweeplaatstoof, of 'n tweeplaatstoof met 'n oondjie, mikrogolfoond, 'n yskas en koffie- en teemaakgeriewe toegerus is. Daar is privaat sitareas met TV's met OpenView. Gaste kan hul eie dekodeerder, afstandbeheer en slimkaart saambring om na meer DStv-kanale te kyk.

Die eenhede lei elk na 'n stoep en braaigeriewe is beskikbaar.

Die houthuisies is baie basies, het slaapplek vir 2 gaste en 'n dubbelbed en 'n en suite-badkamer met 'n stort, wasbak en 'n toilet. Ander geriewe sluit 'n buitekombuis, 'n kaggel en koffie- en teemaakgeriewe in. Hierdie huisies het nie TV's of WiFi nie en is 200 m vanaf die rivier.

Fly Fishing Paradise het 'n gemeenskaplike swembad, visvang-areas en elke eenheid het 'n privaat houtvuur-warmbad, maar gaste moet asb. hul eie out verskaf. Wild loop vrylik rond en gaste kan die weidende springbokke en wildebeeste dophou.

Kry ’n Kwotasie