Alle was baie netjies en die plekkie is baie skoon. Ek sou net 'n aluminumplaat by die stofie in die leefkamer sit om 'n moontlike brandgevaar te verhoed. Maar verder geen klagtes nie.

Rustig en netjies! Sien sterre.

Heerlik gekuier! Oulike plekkie, lekker sentraal geleë, kon sommer stap na die restaurante. Oulike bordspeletjies en kaarte - kon kinders lekker besig hou. Heerlik gebly!

Dit was 'n fantastiese ervaring. Van die vriende wat saam was het aanbeveel dat 'n televisie 'n goeie aanvulling sal wees in die huis, sowel as 'n strykyster. Verder was daar nie probleme nie, ons kon net glad nie die stoof in die hoofhuis gebruik nie, slegs die plate het gewerk.

Goeie ligging om omgewing te verken. Die huis is goed toegerus en die komplimentêre verversings is 'n bonus en laat mens onmiddellik welkom voel.

Heerlike wegbreek in pragtige huisie. Alles wat jy nodig het - selfs WiFi vir die kinders! Pragtige huisie in rustige omgewing.

Fantastiese ligging en uitstekend toegerus. Francolin Cottage was 'n uitstekende keuse vir ons naweek. Dit is sentraal geleë binne stapafstand na restaurante, markie ens. Die huis is gerieflik en goed toegerus. Die tuin is lekker groot en ideaal vir speel. Sal vir seker weer hier bespreek volgende keer!