Franschhoek Country House & Villas

Hotel

Soos Gesien op Facebook
Kapasiteit: 50 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Huguenot-hoofweg, Franschhoek, 7690, Wes-Kaap
Vanaf R4 988 per nag (plek vir 2)
TGCSA-gradering:

Beskrywing

Franschhoek Country House & Villas is 'n klein boetiekhotel in die prentjiemooi Franschhoek-wynvallei. Dit skuil aan die buitewyke van Franschhoek en is net 1 km vanaf die middedorp.

Dié hotel is die ideale basis vanwaar gaste topwyne en wêreldklaskos kan proe en bied verblyf in verskeie kamers insluitend Standaardkamers, Luukse Kamers, Tuinkothuise en Villa Suites. Al die kamers het lugversorging, 'n en suite-badkamer, 'n privaat sitarea en sommige suites bied ook toegang tot 'n privaat balkon of stoep met 'n pragtige uitsig.

Die Monneaux-restaurant op die perseel word as een van Suid-Afrika se top-restaurante beskou en het vir hul vernuwende, moderne kookkuns bekend geword. À la carte-middagetes word op die manjifieke nuwe fonteinterras bedien, terwyl aandete in die stemmige, dog elegante eetkamer of toegeboude stoep voorgesit word. Die wynlys beklemtoon plaaslike wyne wat gaste ook per glas in die gesellige wynkroeg kan geniet.

In die somer kan gaste by een van 2 swembaddens, waarvan die een verhit is, ontspan en die pragtige uitsigte op die berge geniet. Daar is ook die geleentheid vir 'n massering en gaste kan die boetiekwynplase besoek of in die pragtige dorpie rondstap.

Kry ’n Kwotasie