Dit was heerlik, die verblyf was skoon en netjies. Sal beslis weer daarin boek. Dankie Rochelle vir jou hulp, regtig uit jou pad gegaan om te help.

It was a nice experience, thank you. It was comfortable and relaxing. We have travelled with our pets, and I made a suggestion that a fenced-off area should be implemented, seeing that the place is advertised as pet friendly. You cannot leave your dogs to roam around for free; they will flee into the field. So a fenced-off area will work wonderfully; then you can leave your dogs there with a peaceful heart, knowing that they can walk freely without escaping while you relax inside your sleeping area.

Rustig stil oop. Vinnige vriendelike ontvangs. Lekker stil met alles wat nodig is. Great as jy met honde ry, genoeg plek vir bene rek.

Dit was goed, dankie. Als was goed, behalwe dat die geadverteerde swembad nie daar was nie.

Rustige, stil oorslaap plek. Ons het baie lekker gebly. Goeie nagrus gehad. Lugversorging was 'n redding na ses ure se ry in plus 40°.

Netjiese, skoon en veilige oornagplek om by stil te hou. Was 'n aangename verrassing om by Gemsbokfontein aan te land. Kleinkinders het die plaasdiere vreeslik baie geniet, selfs 'n klein lammetjie vasgehou.

Verwyder die condo van die listing, of opdateer die beskrywing. Ons het die condo bespreek omdat ons twee paartjies is wat saamgereis het. Volgens die beskrywing sou dit gepas wees vir ons vereistes. Die beskrywing van die badkamers en kamers t.o.v. die condo is heeltemal verkeerd. As ons dit geweet het, het ons nie daar geboek nie. Daar is geen en suite badkamer vir die boonste kamer nie. Die persone wat in die boonste kamer slaap, moet of deur die slaapkamer van die ander paartjie loop om by 'n badkamer uit te kom, of jy moet by 'n deur op die grondvloer (nadat jy reeds by die ander kamer moes verbyloop) uitgaan, by die kombuis ingaan, deur die kombuis na die tweede badkamer. Daar is ook geen deur tussen die tweede badkamer en kombuis nie, en ook geen deur tussen die slaapkamer op die grondvloer en die kombuis nie. Hierdie eenheid, soos hy is, is nie geskik vir meer as een paartjie nie. Waterdruk is baie laag, beddens nie die beste nie. Ons het dit oorweeg om dorp toe te ry en ander slaapplek te gaan soek. Maar die host het onverwags opgedaag, ons het ons probleem verduidelik, en sy het ons een van die ander eenhede ook laat gebruik teen geen ekstra koste - dankbaar daarvoor.

Mooi ligging maar die 7 bed eenheid is onprakties en nie soos aangedui. Die verblyf is op 'n mooi plaas maar dis al. Die 7 bed eenheid wat eintlik net 6 slaap is onprakties uitgelê en bied geen privaatheid nie. Daar is 'n badkamer met toilet reg langs die kombuis met geen deur nie! As jy skottelgoed was (met slegs 'n koue kraan) kan jy in die badkamer inkyk en die toilet sien. Die onderste slaapkamer grens ook aan die klein kombuis en het ook nie 'n deur nie. Die 4 persone wat op die tweede vloer slaap moet of met die trappe af buite toe gaan en by die kombuis deur ingaan om by die badkamer uit te kom of deur die onderste slaapkamer loop na die kombuis toe of die onderste badkamer gebruik wat ook nie 'n deur het nie. Die boonste kamer se matrasse is deurgeslaap! Daar is net 4 stoele by die buite braai area.

Uitstekende plekkie, voorwaar waarde vir geld. Wonderlike ondervinding, was lekker om so in die plaas tussen bok en skaap te bly. Die gasvrou is baie vriendelik en het ons hartlik verwelkom. Die plekkie is pragtig en ons het baie lekker daar oornag. Doen so voort.

Heerlike cosy wooneenheid. Heerlike verblyf. Skoon en netjies plek om 'n skaapplaas. Slaapplek vir baie gaste. Beslis die moeite werd om deur Britstown te ry en op die plaas te gaan slaap. Let wel die eenheid het bad en nie 'n stort nie, maar na 'n lang dag was dit 'n heerlikheid om die dag aftesluit.