Beskrywing

Gerald Street Self-catering is 'n tuinkothuis op die eienaar se perseel in Glen Hurd, 'n stil woonbuurt in Gqeberha (Port Elizabeth).

Dié tweeslaapkamerkothuis het slaapplek vir 4 gaste. Die hoofslaapkamer het 'n koningingrootte-bed en daar is 2 enkelbeddens in die tweede slaapkamer. 'n Ekstra matras kan in die tweede kamer gevoeg word, soos op die foto's. Die badkamer het 'n aparte bad en stort.

Die ruim kothuis het 'n oopplan-kombuis en woonkamer. Die kombuis is goed toegerus en beskik oor 'n stoof, yskas-vrieskas, lugbraaier en 'n mikrogolfoond. Daar is 'n sitarea met gerieflike sitplek en 'n TV, en 'n binnebraai met die nodige braaigereedskap. 'n Omsetter is beskikbaar en sal die WiFi en TV gedurende beurtkrag aan die gang hou.

Gerald Street Self-catering het 'n swembad vir die somermaande en daar is 'n onderdak parkeerplek op die perseel vir 2 voertuie. Die eienaars se kinders en troeteldiere is vriendelik en goedgemanierd.