Heuwelsig Cottages and Franschhoek Camping

Selfsorg

Kapasiteit: 20 persone
Geen kinders onder 10
Inkloktyd: 14:00 tot 18:00
Uitkloktyd: 11:00
Adres: Heuwelsigplaas, La Motte-stasieweg, Franschhoek, 7691, Wes-Kaap
Vanaf R550 per nag (plek vir 2)
TGCSA-gradering:

Beskrywing

Heuwelsig Cottages and Franschhoek Camping bied luukse selfsorgkothuise en kampeerplekke net 5 km buite Franschhoek, slegs 1 uur se ry vanaf Kaapstad.

Verblyf word in 3 selfsorgkothuise, 8 omheinde kampeerplekke met privaat ablusiegeriewe en 2 kampeerplekke met gemeenskaplike ablusiegeriewe gebied.

Alle selfsorgeenhede het koninggrootte-beddens, 'n en suite-badkamer, 'n kombuis of kombuisie, 'n slim-TV met Netflix, WiFi, 'n privaat ingang en veilige parkeerplek. Die verblyf het 80% sonkrag en die ligte sal tydens beurtkrag werk.

Die kampeerplekke is vir motorhuise ontwerp, maar klein karavane en daktente is welkom. Elke kampeerplek het slaapplek vir 2 volwassenes en is op gras met 'n ingeboude gazebo vir skadu. Elektriese punte, draagbare braaigeriewe (bring eie rooster saam), krane, WiFi by die kuberkol en privaat ablusiegeriewe word voorsien.

Party kampeerplekke is slegs vir volwassenes, so gaste moet voor die tyd uitvind. Kinders ouer as 10 word op versoek toegelaat. Die makmsimum verblyf vir kamp is 7 dae. Geen troeteldiere, gondtente of grondseile word toegelaat nie.

Daar is 'n omheinde eko-swembad en 'n KolKol-houtvuurwarmbad wat gehuur kan word, maar 24 uur vooraf met die eienaar gereël moet word. Daar is ook 'n eko-swembad wat gaste kan geniet. Veilige parkeerplek is beskikbaar.

Aktiwiteite in die area sluit perdry, visvang, voëlkyk, wynproe, fietsry, wildkyk, begeleide staproetes en bergfietsry in.

Kry ’n Kwotasie