Heuwelsig Cottages and Franschhoek Camping

Selfsorg

Kapasiteit: 20 persone
Geen kinders onder 10
Inkloktyd: 14:00 tot 18:00
Uitkloktyd: 11:00
Adres: Heuwelsigplaas, La Motte-stasieweg, Franschhoek, 7691, Wes-Kaap
Vanaf R580 per nag (plek vir 2)
TGCSA-gradering:

Beskrywing

Heuwelsig Cottages and Franschhoek Camping bied luukse selfsorgkothuise en kampeerplekke net 5 km buite Franschhoek.

Daar is 3 selfsorgkothuise en 8 omheinde kampeerplekke, elk met privaat ablusiegeriewe en 2 kampeerplekke wat nuut gebou is met gedeelde ablusiegeriewe.

Alle selfsorgeenhede het koninggrootte-beddens, 'n en suite-badkamer, 'n kombuis of kombuisie, 'n slim-TV met Netflix, WiFi, 'n privaat ingang en veilige parkeerplek. Die verblyf het 80% sonkrag en die ligte sal tydens beurtkrag werk.

Die kampeerplekke is vir motorhuise ontwerp, maar klein karavane en daktente is welkom. Elke kampeerplek het slaapplek vir 2 volwassenes en is op gras met 'n ingeboude gazebo vir skadu. Elektriese punte, draagbare braaigeriewe, krane, WiFi by die kuberkol en privaat ablusiegeriewe word voorsien.

Party kampeerplekke is slegs vir volwassenes, so gaste moet voor die tyd uitvind. Kinders ouer as 10 word op versoek toegelaat. Die makmsimum verblyf vir kamp is 7 dae.

Daar is 'n omheinde eko-swembad en veilige parkeerplek is op die perseel beskikbaar.

Aktiwiteite in die area sluit perdry, visvang, voëlkyk, wynproe, fietsry, wildkyk, begeleide staproetes en bergfietsry in.

Kry ’n Kwotasie