Hill Penthouse Plett

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Main-straat 7, Hill House 9, Plettenbergbaai, 6600, Wes-Kaap
Vanaf R3 520 per nag (plek vir 6)

Beskrywing

Hill Penthouse Plett is langs die hoofstraat van Plettenbergbaai geleë. Dit spog met 'n pragtige uitsig oor die see, baai en die dorpie en bied slaapplek aan 6 gaste.

Dié dakwoonstel beskik oor 3 slaapkamers en 3 badkamers. Die hoofslaapkamer het 'n koningingrootte-bed, suite-badkamer met 'n bad, stort, toilet en 'n wasbak, asook 'n TV-area, lessenaar en 'n klein sitarea. Die tweede slaapkamer het 'n dubbelbed en 'n en suite-badkamer met 'n stort, toilet en 'n wasbak. Die derde slaapkamer het 2 enkelbeddens en 'n en suite-badkamer met 'n bad en 'n stort.

Die oopplan-sitarea het 'n knus kaggel, eetarea en 'n kombuis wat met 'n stoof, oond, yskas-vrieskas, mikrogolfoond, eetgerei en breekware toegerus is. Die opwasarea het 'n wasmasjien, tuimeldroër en 'n skottelgoedwasser.

Die groot stoep het 'n kroegstyl-eetarea met hoë stoele, 'n buite-yskas en 2 afsonderlike eetareas waarvan een onderdak is en die ander een oop is. Daar is ook 'n knus sitarea, sonstoele en gaste kan die panoramiese uitsig oor die see en strandmeer geniet.

Beheerde toegang word by hoofhek en -ingang, motorhuis, voordeur en ondergrondse parkeerplek, wat gratis beskikbaar is, toegepas. Hierdie verblyf is naby die mooiste strande en 'n stapafstand vanaf winkels en ideaal om Plettenbergbaai te verken. Hierdie dakwoonstel is aan die begin van Plett se bekende winkelstraat geleë. Hierdie gebou spog met ruim kamers en bied baie gerief.

Kry ’n Kwotasie