Horison Vakansiehuis

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Delphi-straat 9, Paradysstrand, Langebaan, 7357, Wes-Kaap
Vanaf R9 000 per nag (plek vir 10)

Beskrywing

Horison Vakansiehuis is 'n pragtige huis in die kusdorpie Langebaan en bied veilige en moderne selfsorgverblyf.

Die huis bied gemaklike slaapplek aan 10 gaste en beskik oor 5 en suite-slaapkamers, 2 sitareas, 'n volledig toegeruste kombuis en 'n binnebraai-area. Die hoof en suite-slaapkamer is op die boonste verdieping en het 'n dubbelbed en 'n badkamer met 'n bad en 'n stort. Dié kamer het ook toegang tot die balkon met genoeg sitplek. Die ander 4 en suite-slaapkamers is op die eerste verdieping en het elk 'n dubbelbed en 'n badkamer met 'n stort.

Die kombuis is op die boonste verdieping en is met 'n stoof, oond, mikrogolf, yskas-vrieskas, broodrooster, skottelgoedwasser, eetgerei en breekware en tee- en koffiemaakgeriewe toegerus. Die boonste verdieping het ook 'n ruim sitarea en 'n platskerm-TV met die volle DSTV-pakket. Die eerste verdieping het 'n sitarea, koffiestasie, 'n ruim binnebraai-area en genoeg sitplek vir etes.

Gaste het toegang tot hul eie private ingang en veilige parkeerplek. Gaste is ook naby plaaslike winkels, restaurante en die strand.

Kry ’n Kwotasie