Joyful

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Stormvoëlstraat 2, Paternoster, 7381, Wes-Kaap
Vanaf R2 530 per nag (plek vir 6)

Beskrywing

Joyful is 'n selfsorghuis in Paternoster, 'n bekoorlike vissersdorpie aan Suid-Afrika se Weskus. Dié dorp is 'n gewilde toeristebestemming vir gaste wat op soek is na 'n Mediterreense atmosfeer, hemelblou water, gekalkte kothuise, tradisionele vissermans-argitektuur en eindelose wit strande.

Die huis het slaapplek vir 6 gaste en beskik oor 3 slaapkamers, 2 badkamers en 'n oopplan-kombuis en -leefarea. Die hoofslaapkamer is apart van die hoofhuis en het 'n dubbelbed en 'n en suite-badkamer met 'n stort, 'n toilet en 'n wasbak. Die tweede en derde slaapkamer het elkeen 'n dubbelbed. Die gastebadkamer het 'n bad.

Die kombuis is met 'n stoof, oond, yskas-vrieskas, mikrogolfoond, eetgerei en breekware toegerus. Die eetarea het sitplek vir 4 gaste en die leefarea het 'n ingeboude braai, 'n gemaklike sitkamerstel en 'n platskerm-TV.

Lees meer

Kry ’n Kwotasie