Rus vir die siel. In die natuur. Sal definitief weer teruggaan na Kakibos! Ons is eintlik kampers want met kampery stap jy uit jou woonwa uit in die natuur in. Met Kakibos stap jy ook fisies uit die chalet uit in die natuur in - wonderlike belewenis vir ons wat gewoond is aan kamp. Die watergat is 'n heerlike bonus want daar het ons omtrent al Dinokeng se wild gesien, tot bosvarke wat ons nog nie vantevore so van naby kon bekyk nie. Wat die akkommodasie aanbetref, was alles puik. Die gasvryheid vanself. Die braaiplek is iets wat ek graag by my huis sou wou gehad het! Die halwe drom wat mens na die tyd oor die kole sit om vonke en brande te voorkom, is sprekend van die detail wat in Kakibos ingebou is. Dit was 'n sielerus wegbreek wat ons definitief in die toekoms sal teruglok na Kakibos toe.

Fantasties! Wat 'n ongelooflike ervaring in die bos. Ons is ou bosvelders, maar dit was ons eerste keer in Dinokeng. Ongelooflike gasvrye mense wat ons ontvang het en seker gemaak het ons het alles. Die huis was lekker uitgerus met alles wat jy nodig het en nog meer. Beddens was mooi skoon en die hele plek het nes jou eie huis gevoel. My kinders het vreeslik lekker baljaar in die swembad van oggend tot aand. Die drinkgat vir die diere was welkomend wanneer jy vroegoggend jou koppie koffie geniet. Bokkies, zebras, jakkals en baie tarentale het ons kom groet. My man het natuurlik baie van die braai area geniet, veral omdat hy 'n lekker vuurtjie vir atmosfeer kon maak. Ons sal definitief weer kom kuier.

Lekker wegbreek nie te ver uit die stad nie. Ons het baie lekker gebly by Kakibos. Die huis was ruim, skoon en baie goed toegerus; ons het niks gekort nie. Gashere is baie vriendelik en behulpsaam gewees. Lekker in die bosveld met baie diere wat die watergat kom besoek het. Ons was 4 vrouens en het heerlik om die vuur gekuier in die aande sonder om onveilig te voel.

Lovely bushveld stay. We had a lovely few days at Kakibos accommodation. We saw game right up close as we sat outside on the stoep or under the lovely big Fig tree. Making a fire at night under the bushveld sky was magical. The cottage was clean and well equipped, and we had everything that we needed. Our hosts were very friendly, and when our car battery died, they were so helpful to get it sorted. We will definitely go back! I can highly recommend this accommodation. And, it's a bonus that it's so close to Pretoria.

Excellent. Excellent place to stay.

Heerlike bosveld atmosfeer, in gerief. Lieflike huis, baie goed toegerus met alles wat nodig is. Watergat reg voor die huisie se stoep waar vele diere kom water drink. Swembadjie net reg vir afkoel. Baie vriendelike gashere. Alles ingerig om 'n lekker bosveld uitspan te bewerkstellig! Beslis aanbeveel.

Die "splash pool" was 'n bonus en die water drinkplek 'n groot aanwins. Ja, ons het heerlik gebly. Ruim vertrekke, goed toegerus en privaat.

Dit het gevoel of jy by familie wat jy lanklaas gesien het kuier! Ons het heerlik gebly. Daar is 'n watergat reg oorkant die huis wat mens toelaat om heelwat diere te sien. Uiters vriendelike ontvangs en hulle laat geen steen onaangeraak om aan jou die beste diens te lewer.

Al was dit 37 grade Celsius, was die verblyf baie aangenaam. Die plek was mooi skoon, baie goed toegerus, baie lekker groot. Die gashere was baie vriendelik en het ons baie tuis laat voel.

Ons is baie vriendelik ontvang met ons aankoms en ons het dadelik tuis gevoel. Ons het heerlik gekuier. Die huis is goed toegerus met alles wat mens nodig het. Die watergat is besonders en ons het baie diere sien water drink. Die plonspoel was 'n lafenis op die warm dae. Baie dankie vir julle gasvryheid.