Kambaku River Lodge

Lodge

Soos Gesien op Instagram
Kapasiteit: 16 persone
Geen kinders onder 8
Inkloktyd: 14:00 tot 19:00
Uitkloktyd: 10:00
Adres: 142/6 Strathmore, Rockvale, 12 km van Malelane af, 1320, Mpumalanga
Vanaf R5 600 per nag, vir 2 mense
TGCSA-gradering:

Beskrywing

Kambaku River Lodge is perfek geleë, net 12 km van Malelane af, aan die suidelike oewer van die Krokodilrivier en die grens van die Krugerwildtuin, die tuiste van die Groot 5. Kambaku River Lodge is die privaat eiendom van Tony en Leanne en kry sy naam by 1 van die 7 legendariese, manjifieke, groot olifante. By Kambaku River Lodge het gaste praguitsigte oor die Krokodilrivier, die omliggende berge en die Krugerwildtuin.

Kambaku River Lodge bied 6 pragtige eenhede vir 2 en 6 gaste. Daar is selfsorg-eenhede en eenhede met aandete- en ontbytopsies. Elke eenheid het 'n privaat badkamer, 'n koninggrootte-bed of 2 enkelbeddens, perkallinne, donsveer-duvets, japonne, 'n TV, WiFi, plafonwaaiers en lugversorging vir verkoeling en verwarming. Die eenhede het elk 'n stoep en 'n vuurput en sommige eenhede het 'n swembad. Party eenhede het kombuise vir selfsorgverblyf.

Die lodge het 'n uitsig oor die Krokodilrivier asook 'n uitkykdek op die rivier, 'n swembad en 'n spa. Seekoeie, groot olifante, buffeltroppe, renosters, luiperds en verskeie ander diere is gereeld te siene vanaf die eenhede self. Kambaku River Lodge is 'n toevlugsoord vir 'n voëlliefhebber met 'n oorvloed voëllewe die hele jaar lank. Jy kan gereeld die geroep van 'n visarend hoor. Gaste kan saans rustig om die vuur ontspan en die Afrika-geluide en sterre bewonder.

Ritte met jou voertuig, of vol- en halfdag-safari's op 'n oop voertuig kan gereël word. Nagritte en wandelinge in die Krugerwildtuin soggens kan ook gereël word. 'n Lieflike dagbesoek aan Mosambiek of Swaziland is ook 'n moontlikheid. Ons sal enige tyd help met reëlings vir 'n potjie gholf by die gewilde Leopard Creek Gholfbaan.

Kry ’n Kwotasie