Kurland Villa

Gastehuis

Kapasiteit: 16 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Kurland Estate, The Crags, 6602, Wes-Kaap
Vanaf R35 000 per nag (plek vir 16)
TGCSA-gradering:

Beskrywing

Kurland Villa is die tuiste van Peter en Dianne Behr wat die Kurland Hotel en Polo-landgoed gestig het. Die perseel is al in die familie vir 3 generasies. Die villa is op privaat grond langsaan die landgoed, naby 'n inheemse woud en in 'n beskutte en pragtige omgewing.

Die villa is 'n groot en onlangs geboude tuiste in die tradisionele Kaaps-Duitse styl, maar met al die vereistes vir 'n moderne leefwyse. Die binnekant spog met net die beste afwerkings en hoogste standaarde en die villa is pragtig en elegant ingerig.

Kurland is geskik vir gesinne of groepe wat op soek is na eksklusiewe en beskutte plattelandse verblyf. Dit is ook perfek as 'n basis vir polo-entoesiaste wat polo wil speel/kyk by die landgoed. Alhoewel dit ver van die gepeupel is, is dit na genoeg aan Plettenbergbaai met sy vele doendinge en besienswaardighede.

Die villa is geleë in 'n parkagtige omgewing en kyk noord na 'n inheemse woud tussen die voorheuwels van die Tsitsikamma-berge.

Die hoofhuis het 'n ingangsportaal op die onderste vloer, 'n en suite-gastekamer, sitkamer, leef- en TV-kamer, eetkamer, groot kombuis met instap-koelkamer, opwaskamer, skoenekamer en wasgoed- en linnekamer. Die groot bedekte veranda het braaigeriewe en 'n pizza-oond. Onder is daar 'n wynkelder propvol voorraad. Langsaan die swembad is daar 'n spa met 'n Jacuzzi, sauna, stoomkamer en aantrekkamer. Daar is breëband WiFi en satelliet-TV in al die hoof-leefareas asook die slaapkamers.

Die dubbeltrap lei na die boonste vloer waar die en suite-hoofslaapkamer is met sy aantrekkamer, skakelstudeerkamer en rekenaar, daar is ook 'n en suite-dubbelkamer en nog 2 dubbelkamers wat die groot badkamer deel. Daar is ook 'n kinderspeelkamer.

Die westelike vleuel is apart en het 2 en suite-kamers, 'n leef- en TV-kamer en 'n oopplan-kombuis en -eetkamer wat volledig toegerus is. Onder is daar 'n en suite-slaapkamer wat ook 'n leef- en TV-kamer het, 'n klein eetkamertjie en kombuisie. Soos die hoofhuis het hierdie kamers elk onbelemmerde uitsigte oor die ongerepte platteland.

Kurland Villa het permanente skoonmaak- en tuindienspersoneel en, indien versoek, 'n "butler" en sjef wat by die tarief vir die duur van verblyf ingesluit sal word.

Kry ’n Kwotasie