La Maison Hermes

Selfsorg

Soos Gesien op Instagram
Kapasiteit: 12 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Theresa-laan 34, Bakoven, Kaapstad, 8005, Wes-Kaap
Vanaf R23 100 per nag (plek vir 12)

Beskrywing

La Maison Hermès is 'n luukse villa met 'n uitstekende uitsig oor Kampsbaai, op Leeukop, Tafelberg en die Twaalf Apostels. Die weelderige selfsorgvilla spog met 'n kenmerkende slanke ontwerp.

Die unieke huis bied slaapplek aan 12 gaste en beskik oor 6 slaapkamers en 6 en suite-badkamers. Die hoofslaapkamer het 'n koninggrootte-bed en 'n en suite-badkamer met 'n bad en 'n stort. Die tweede en derde slaapkamer het elk 'n koninggrootte-bed en 'n en suite-badkamer met 'n bad of 'n stort. Die vierde en vyfde slaapkamer het elk 'n dubbelbed en 'n en suite-badkamer met 'n stort. Die laaste slaapkamer het 2 enkelbeddens en 'n en suite-badkamer met 'n stort. Die gastebadkamer het 'n toilet en 'n wasbak. Elke slaapkamer spog ook met 'n TV en 'n see- of berguitsig. Gehalte-linne, swem- en badhanddoeke word voorsien.

Die ruim oopplan-leefarea beskik oor 'n sitarea, 'n eetarea en 'n kombuis. Die kombuis is met 'n gasstoof, oond, mikrogolfoond, yskas-vrieskas, tee- en koffiemaakgeriewe, eetgerei en breekware toegerus. Die kombuis het 'n toonbank met 'n opdienvenster wat na die stoep lei. Die eetarea het 'n etenstafel vir 8 gaste en die sitarea het 'n gemaklike sitkamerstel, 'n koffietafel en 'n TV met Netflix. Daar is ook 'n bioskoopkamer.

Gebruik gerus die gratis WiFi, spring in die verhitte soutwaterswembad, ontspan in die rustige natuurskoon van die welige tuin, gebruik die ingeboude gasbraai op die stoep, kuier by die tafel vir 10 op die stoep, en bewonder die asemrowende see- en berguitsig.

La Maison Hermes is met 'n Tesla-muur as rugsteunkragstelsel toegerus wat die ligte, TV's, WiFi, motorhuisdeur, blindings en kragproppe aan die gang hou. Daar is ook 2 voltydse personeellede wat na die daaglikse huishoudelike take kan omsien.

Kry ’n Kwotasie