Lake View @ Blue Crane Farm

Selfsorg

Naweekaanbod 20% af

Kry 20% af vir verblyf tussen Vrydag en Sondag (minimum twee nagte se verblyf). Geldig vir verblyf vanaf 3 Jan 2025 tot 6 Jan 2025.

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Langs die R540, Blue Crane Plaas, Highlands Meander, 1110, Mpumalanga
Vanaf R5 720 per nag (plek vir 8)

Beskrywing

Lake View @ Blue Crane Farm is 'n besonderse kunsvlieghengelbestemming met 2 pragtige damme vol forel. Die groter dam is 9 ha groot en het verskeie jetties vanwaar gaste kan kunsvlieghengel.

Dié kothuis het slaapplek vir 8 gaste en beskik oor 4 slaapkamers en 2 badkamers. Die eerste 2 slaapkamers het elk 'n koningingrootte-bed en die ander 2 slaapkamers het elk 2 enkelbeddens. Die 2 badkamers het onderskeidelik 'n bad en 'n stort. Gehaltelinne en badhanddoeke word voorsien.

Die oopplan-leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware en koffie- en teemaakgeriewe toegerus is. Die kombuis lei na 'n etenstafel en die sitarea het gemaklike sitplek, 'n kaggel en 'n TV met Netflix.

Hierdie leefarea lei na 'n privaat stoep met 'n buite-etenstafel en 'n ingeboude braai waar gaste kan ontspan en die uitsig oor die dam kan geniet.

Hierdie bekoorlike venue spog met vrylopende wildspesies, soos damherte, springbokke, blesbokke, sebras, hartebeeste en vaalrebokke. Die voëllewe is merkwaardig en daar is verskeie bedreigde spesies, soos die bloukraanvoël en kroonkraanvoëls wat gereeld op die plaas nesmaak. Vir groter groepe het die plaas 7 ander kothuise wat gaste kan bespreek.

Blue Crane Farm is sowat 17 km vanaf Dullstroom en 20 km vanaf Belfast wat verskeie winkels, restaurante en besienswaardighede bied. Die plaas word deur 'n grondpad bereik en is vir voertuie met 'n lae of hoë grondvryhoogte geskik.

Kry ’n Kwotasie