Lakeview Villa

Selfsorg

Soos Gesien op Facebook
Kapasiteit: 8 persone
Geen kinders onder 10
Inkloktyd: 14:00 tot 17:00
Uitkloktyd: 10:00
Adres: Soutpansingel 9, Vermont, Hermanus, 7200, Wes-Kaap
Vanaf R5 758 per nag (plek vir 8)

Beskrywing

Lakeview Villa is 'n kunstige en moderne huis met 'n Balinese styl en tikkies Boheemse dekor en afwerkings. Die ruim en privaat huis bied 'n uitsig oor Vermont se soutpan met die pragtige Onrusberge in die agtergrond en dit skep 'n rustige atmosfeer.

Die dubbelverdiepinghuis bied slaapplek aan 8 gaste en is ideaal vir 'n groot groep. Die huis het 'n leefarea met 'n hoë plafon, 'n kaggel, sitarea en 'n etenstafel met sitplek vir 6. Die leefarea lei na die groot oopplan-kombuis wat met 'n yskas-vrieskas, gasstoof, oond, mikrogolfoond, basiese eetgerei, breekware en tee- en koffiemaakgeriewe toegerus is. Daar is ook 'n skottelgoedwasser, wasmasjien en 'n tuimeldroër in die aparte opwaskamer. Gratis WiFi is beskikbaar.

Die slaapkamer op die grondverdieping bied direkte toegang tot die tuin en dit het 'n koninggrootte-bed wat in 2 enkelbeddens omskep kan word en 'n en suite-badkamer met 'n groot stort, toilet en 'n wasbak. Daar is 3 en suite-slaapkamers op die eerste verdieping. Die hoofslaapkamer bied 'n uitsig oor die meer en dit het 'n koningingrootte-bed. Die en suite-badkamer het 'n bad, stort, toilet en 'n wasbak. Die tweede slaapkamer het 'n koninggrootte-bed wat in 2 enkelbeddens omskep kan word en sy eie sitarea, kombuisie en biblioteek. Die derde slaapkamer het 'n koningingrootte-bed en 'n klein balkon met 'n uitsig oor die soutpan. Die tweede en derde slaapkamer is bo en elkeen het 'n en suite-badkamer met 'n stort. Alle linne en handdoeke word voorsien.

Daar is 'n groot werksarea tussen die 2 vleuels en gaste kan rustig daar werk en die ryk voëllewe en lieflike uitsigte aanskou.

Die leefarea lei na 'n privaat binnehof aan die een kant en 'n onderdakbraai-area aan die meer se kant. Dit word omring deur 'n pragtige tuin en terras. Die binnehof het verskeie stoele en 'n pragtige mosaïek-sitarea onder lowerryke bome wat lekker beskutting bied. Daar is ook bordspeletjies vir kinders en 'n geoutomatiseerde sprinkelbesproeiingstelsel in die tuin.

Die villa het 'n alarmstelsel en daar is oorgenoeg parkeerplek in die dubbelmotorhuis en voor dit. Die eiendom is net 'n entjie se ry vanaf plaaslike winkels en die kuspaadjies.

Kry ’n Kwotasie