Lalie Langebaan Akkommodasie

Selfsorg

Gratis kansellasie tot 1 week voor jou verblyf!
Kapasiteit: 3 persone
2 volwassenes, 1 kind
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Fairway-rylaan 122, Langebaan, 7357, Wes-Kaap
Vanaf R1 000 per nag (plek vir 3)

Beskrywing

Lalie Langebaan Akkommodasie is 'n ateljeewoonstel wat deel vorm van die eienaar se woning, maar dit het 'n aparte ingang vir gaste se privaatheid. Die lieflike woonstel is in die kusdorpie Langebaan. Dit is ongeveer 3 km vanaf Langebaan se hoofstrand en bied 'n rustige wegbreek naby besienswaardighede in die omgewing.

Die woonstel bied slaapplek aan 2 gaste en het 'n dubbelbed en 'n en suite-badkamer met 'n stort, toilet en wasbak. Daar is ook genoeg kasruimte, en gehaltelinne en badhanddoeke word voorsien. Die kombuisie is met 'n yskas, mikrogolf en tee- en koffiemaakgeriewe toegerus. Die woonstel bied aan ‘n buite braai, binne braai, outydse koolstoof en ‘n Air-fryer om disse op gaar te maak. Neem asb kennis daar is geen oond of gas plaat nie.

Die sitarea het 'n gemaklike rusbank, stoele, 'n platskerm-TV, binnebraaigeriewe en 'n koolstofie. Die skuifdeure lei na 'n stoep by 'n swembad. Die woonstel is in 'n stil buurt en grens aan die landgoed se oop velde waar wilde bokkies daagliks rondloop en wei. Veilige parkeerplek is op die perseel beskikbaar.

Die swembad en buite area agter is vir ons gaste se gebruik en benutting.
Ons laat geen partytjies, geen eksterne gaste of diere toe nie.

As jy rustigheid en stilde waardeer, dan is hierdié plekkie vir jou. Kom geniet die skoonheid en stilte van Langebaan.

Kry ’n Kwotasie