Leeurivier-Die Hoenderhok

Beskrywing

Leeurivier-Die Hoenderhok is 12 km vanaf Swellendam geleë en bied rustieke verblyf wat deur die pieke van die Langeberge omring word. Dit is ideaal vir gesinne en vriende wat op soek is na 'n wegbreek uit die stadsgewoel.

Dié huis bied slaapplek aan 4 gaste en beskik oor 2 slaapkamers en 1 badkamer. Die hoofslaapkamer het 'n dubbelbed en die tweede slaapkamer het 2 enkelbeddens. Gaste deel 'n badkamer met 'n stort, wasbak en 'n toilet.

Die oopplan-kombuis is met 'n etenstafel met sitplek vir 6, tweeplaat-induksiestoof, mikrogolfoond, yskas-vrieskas, ketel, koffie- en teemaakgeriewe, breekware en eetgerei toegerus. Die sitarea het gemaklike sitplek en 'n TV met 'n DStv-dekodeerder. Gaste moet asb. hul eie slimkaart saambring aangesien die kanale beperk is. Die verblyf spog ook met 'n knus kaggel.

Daar is buite-eetplek en 'n braai-area. Veilige parkeerplek is op die perseel beskikbaar. Swellendam is net 12 km ver en hierdie area spog met wonderlike uitsigte. Die Overberg-streek is nie te ver vanaf Kaapstad en hiér kan gaste die wingerde, woude, fynbos, graanlande, strande en ruwe kuslyn bewonder.