Lekkerbreek

Selfsorg

Soos Gesien op Instagram
Kapasiteit: 14 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Duikerstraat 97, Buffelsbaai, 6570, Wes-Kaap
Vanaf R5 325 per nag, vir 14 mense

Beskrywing

Lekkerbreek is 'n pragtige en unieke selfsorgvakansiehuis in die hartjie van Buffelsbaai. Dit is stapafstand vanaf 'n bekende swemstrand asook nog 'n swem- en klipperige strand vir vissermanne geleë.

Dié drieverdiepinghuis kan altesaam 10 volwassenes en 4 kinders op 'n slag akkommodeer en beskik oor 7 slaapkamers en 4 badkamers asook 2 gastetoilette. Die hoofslaapkamer is op die boonste verdieping geleë en is ingerig met 'n koninggrootte-bed en 'n en suite-badkamer met 'n stort. Die grondvloer het 'n aparte badkamer met 'n bad.

Die tweede slaapkamer het ook 'n koninggrootte-bed, terwyl die derde en vierde slaapkamers elk 'n dubbelbed het. Daar is nog 2 slaapkamers wat elkeen 'n stapelbed vir kinders het. Die tweede verdieping van die huis het nog 'n en suite-badkamer met 'n stort asook 'n aparte badkamer met 'n stort sowel as 'n wasmasjien. Die sewende slaapkamer het 2 enkelbeddens en lei na 'n privaat balkon.

Die hoofleefarea beslaan die boonste vlak en beskik oor 'n oopplan-ontwerp met 'n kombuis wat volledig toegerus is met 'n gas- en induksiestoof, elektriese oond, mikrogolfoond, yskas-vrieskas, wynverkoeler, koffiemasjien, eetgerei en breekware asook 'n skottelgoedwasser. Van die kombuis af lei 'n knus sitarea met gemaklike sitplek, 'n kaggel en 'n TV met 'n volledige keuse van DStv-kanale. Toegang tot gratis WiFi is oral in die huis beskikbaar.

Daar is 'n omheinde binnehof op die grondvlak met buitesitplek en 'n ingeboude braai. Die middelste leefarea maak oop op 'n balkon met bykomende braaigeriewe. Die terras op die heel boonste vlak het sitplek waar gaste 'n skemerkelkie kan geniet terwyl hulle die see-uitsig bewonder.

Die huis het 'n omskakelaar in geval van beurtkrag.

Kry ’n Kwotasie