Lepha Guest House

Gastehuis

Kapasiteit: 41 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Huilbos-straat 4, Onverwacht, Lephalale, 0555, Limpopo
Vanaf R990 per nag (plek vir 3)

Beskrywing

Lepha Gastehuis is in die hartjie van die bosveld in 'n stil woonbuurt in Onverwacht, Lephalale geleë. Die gastehuis bied akkommodasie in 16 ruim en gerieflike kamers en daar is 'n groot tuin met 'n sprankelende swembad. Dit is die ideale akkommodasie vir sakereisigers én toeriste.

Gaste kan kies tussen dubbelkamers, gesinskamers of 2-enkelbedkamers. Elke kamer het 'n TV, 'n kluis, lugversorging, koffie- en teemaakgeriewe en 'n yskassie. Gaste is meer as welkom om by die gelisensieerde kroeg met DStv te kuier, of by die lapa se braaiplek, of by die swembad. Gaste kan ook uitsigte oor die gholfbaan van die veranda af geniet. Daar is spesiale aanbiedinge vir naweek-verblyf, versoek gerus 'n kwotasie.

Lepha Gastehuis bedien ook maaltye op versoek. Ons voorsien veilige parkeerplek agter 'n afstandbeheer-hek. Ons is ook naby aan Ellisras en net 70 km van die Botswana-grens af.

Kry ’n Kwotasie