Morgenzon

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Naauwpoortstraat 444/1, Clarens, 9707, Vrystaat
Vanaf R5 900 per nag (plek vir 8)

Beskrywing

Morgenzon is 'n luukse selfsorg-gesinshuis in die prentjiemooi Swartlandarea in Clarens. Dit is ver genoeg van die middedorp dat gaste die rus en vrede waarvoor Clarens bekend is, kan geniet en tog ver genoeg, sowat 10 minute se stap, vanaf die dorpsplein waar al die restaurante, winkels en galerye is. Die huis is ideaal vir naweekwegbreke of langer verblyf.

Morgenzon bied slaapplek aan 8 gaste en beskik oor 4 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n dubbelbed en 'n en suite-badkamer met 'n hoekbad, stort, toilet en 'n dubbelwasbak. Hierdie kamer lei na 'n stoep met 'n pragtige uitsig op die berge. Die tweede en derde slaapkamer het elk 'n dubbelbed. Die solderkamer op die boonste verdieping bied 'n uitsig oor die sitarea en het 2 driekwartbeddens. Gaste in hierdie 3 slaapkamers deel 'n tweede badkamer met 'n bad, stort, toilet en wasbak. 'n Aparte toilet is beskikbaar.

Die kombuis is met graniettoonbanke en moderne toestelle, 'n gasstoof, elektriese oond, 2 yskas-vrieskaste, ketel, koffiemasien, lugbraaier, broodbakmasjien , ysmasjien, 'n broodrooster, eetgerei en breekware toegerus. Die huis het ook 'n wasmasjien. Morgenzon is ontwerp met gerief en ontspanning in gedagte. Die sitarea het 'n platskerm-TV met DStv en gratis WiFi. Die oopplan-eetarea en -sitarea het 'n kaggel en lei na 'n toegeboude stoep met 'n binnebraai. Die stoep se groot vensters laat gaste toe om 180 grade-uitsigte op die Rooiberge wat hierdie deel van Clarens omring, te geniet.

Indien gaste buite wil braai gedurende die dag of op mooi someraande langs die pragtige swembad is 'n draagbare Weber-braai, asook 'n gasbraai beskikbaar. Op koue aande is daar ook 'n binneshuise braai-area. Let asb. dat die swembad nie omhein is nie. Veilige parkeerplek is in 'n dubbelmotorhuis beskikbaar.

Kry ’n Kwotasie