Nadora's Rest

Gastehuis

Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Isabelstraat 8, Kirkwood, 6120, Oos-Kaap
Vanaf R1 650 per nag, vir 2 mense

Beskrywing

Nadora's Rest is in die hartjie van die Sitrusvallei, in die klein dorpie Nqweba. Dit bied luukse kamers en eenhede oorkant die Nadora Koffiewinkel en is gerieflik naby die middedorp. Hierdie verblyf is 'n ideale opsie vir sakereisigers of vakansiegangers wat oornagverblyf soek.

Verblyf word gebied in 8 eenhede wat gemaklik 2 volwassenes elk kan akkommodeer. Die eenhede het lugversorging en elkeen het koninggrootte-beddens en en suite-badkamers met bad- en stortgeriewe. Twee van die eenhede het 'n stapelbed wat slegs 2 kinders kan akkommodeer.

Gratis WiFi, TV's met Netflix, YouTube en DStv, asook tee- en koffiemaakgeriewe word voorsien. Elke eenheid het 'n yskassie met voorraad wat teen 'n ekstra koste elke dag volgemaak kan word met drankies. Gaste kan die oop sitkamer met 'n kaggel, 'n onderdakstoep met 'n buitebraai en 'n swembad met 'n uitsig oor die aangelegde tuin geniet. Vir ekstra sekuriteit sluit die verblyf 'n alarmstelsel en veilige parkeerplek in.

'n Restaurant oorkant die pad sal op sekere aande oop wees, maar aandetemandjies, wat in die kamers geniet kan word, is beskikbaar en kan deur Nadora Koffiewinkel bespreek word.

Kry ’n Kwotasie