Ocean Bliss

Selfsorg

Gratis kansellasie tot 1 week voor jou verblyf!
Kapasiteit: 2 persone
Alle ouderdomme is welkom
Inkloktyd: 14:00 tot 18:00
Uitkloktyd: 11:00
Adres: Fouriestraat 15, Westcliff, Hermanus, 7200, Wes-Kaap
Vanaf R1 300 per nag, vir 2 mense

Beskrywing

Ocean Bliss is 'n moderne kothuis in Westcliff, Hermanus, minder as 500 m se stap van verskeie walvisuitkykpunte af. Kom ontspan in 'n rustige atmosfeer, stap na die dorp en see en eet by Hermanus se wye verskeidenheid restaurante.

Die kothuis is ideaal vir 2 gaste. Die slaaparea het 'n koninggrootte-bed en 'n badkamer met 'n stort. Linne en handdoeke word voorsien. Die eenheid het verder verwarmers, 'n waaier, gratis vesel-WiFi en kosmaakgeriewe. Die klein kombuis is toegerus met ’n mikrogolfoond, gasstoofplaat, yskassie, broodrooster, ketel, potte, panne en alle ander eetgerei. Die kothuis beskik ook oor 'n klein, gerieflike oopplan-sitkamer en eetkamer. Die oppervlakte van die kothuis is sowat 40 m². Braaigeriewe word ook voorsien onder 'n lapa-afdak. Daar is 'n pooltafel onder die afdak by die braai. Veilige parkeerplek is in die straat voor die huis beskikbaar.

Hermanus se middedorp is stapafstand vanaf die verblyf en bied verskeie restaurante, winkels, stalletjies en uitkykpunte vir walviskyk. Gaste kan op spesiale roetes gaan bergfietsry, branderplankry, op die strand lê, haaihokduik in Gansbaai onderneem of walvisse vanuit 'n boot beleef. Daar is ook lieflike staproetes in die berge by Fernkloof Reservaat, die Drie Damme, Hermanus Uitkykpunt ens. Die Whale Coast Mall met Ster Kinekor is 5 minute se ry en Fick's Pool Restaurant & Wine Bar is 'n restaurant wat op die see by die rotse geleë is en is net 5 minute se stap vanaf Ocean Bliss. Hermanus Country Market op Saterdae is ook 'n groot trekpleister en lok talle mense van die omgewing asook van Kaapstad! Lieflike handwerkstalletjies, heerlike kosstalletjies en die atmosfeer is aansteeklik! Daar is ook klimrame en ritte vir die kleinspan.

Die eienaars en hul troeteldiere woon ook op die perseel. Die gaste het wel privaatheid en sal nie onnodig deur die eienaars gepla word nie.

Kry ’n Kwotasie