Ocean View

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Ocean View-laan 30, Da Gamabaai, St. Helenabaai, 7390, Wes-Kaap
Vanaf R2 580 per nag (plek vir 6)

Beskrywing

Ocean View is 'n pragtige selfsorg-vakansiehuis in die rustige Da Gamabaai in St. Helenabaai geleë. Dit is die perfekte plek vir vriende en familie om 'n wegbreek aan die Weskus te geniet aangesien hierdie verblyf net 'n entjie vanaf die strand is.

Hierdie verblyf bied gerieflike slaapplek aan 6 volwassenes en 2 kinders op 'n slag en beskik oor 3 slaapkamers en 2 badkamers. Die hoofslaapkamer het 'n dubbelbed en 'n slaapbank vir kinders. Die en suite-badkamer het 'n stort. Die ander 2 slaapkamers het elk 'n dubbelbed en gaste deel die tweede badkamer wat 'n bad en 'n stort het.

Die oopplan-leefarea beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en 'n sentrale eiland met stoele toegerus is. Die kombuis lei na 'n eetarea met oorgenoeg sitplek. Hierdie spasie het ook 'n ingeboude braai. Die sitarea het gemaklike sitplek en 'n slim-TV. Gratis WiFi is beskikbaar.

Buite is 'n onderdakstoep met 'n buite-etenstafel en 'n ingeboude braai. Veilige parkeerplek is op die perseel beskikbaar.

Kry ’n Kwotasie