Ocean View 21

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 07:00
Adres: Ocean View-straat 21, Marina Beach, Southbroom, 4281, KwaZulu-Natal
Vanaf R1 500 per nag (plek vir 6)

Beskrywing

Ocean View 21 is 'n selfsorghuis in Marina Beach.

Die huis bied slaapplek aan 6 gaste en beskik oor 3 slaapkamers en 2 badkamers. Twee slaapkamers het 'n dubbelbed en die derde slaapkamer het 'n koningingrootte-bed en 'n en suite-badkamer met 'n stort, toilet en wasbak. Die ander badkamer het 'n stort, toilet en wasbak.

Die kombuis is met 'n yskas-vrieskas, mikrogolf, skottelgoedwasser, oond, stoof en broodrooster toegerus. Die wasgoed-area buite het 'n wasmasjien. Die sitarea het sitplek en 'n TV met die volle DStv-pakket.

Die balkon het 'n braai, 'n tafel met 6 stoele, 'n saambreel en 'n see-uitsig. Die verblyf is omhein en het 'n afstandbeheerde hek. Daar is 'n enkelmotorhuis vir 1 voertuig en parkeerplek op die perseel vir nog 1 voertuig en 'n waentjie.

Marina Beach is 'n dorpie met volop natuur en wild. Dit is aangenaam om in die dorpie en op die strand te stap. Daar is ape, bosbokke, blouduikers en 'n verskeidenheid voëls in die omgewing. Daar is 'n klein winkeltjie by die ingang van Marina Beach, asook 'n wegneemete-restaurant by Sherwood Forest. Die area spog met 'n Blouvlagstrand met 'n getypoel, asook 'n tweede strand, Kentbaai, wat geskik is vir stap of visvang en ook 'n strandmeer het.

Kry ’n Kwotasie