Onrus Beach House

Selfsorg

Gratis kansellasie tot 1 week voor jou verblyf!
Kapasiteit: 13 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Arum-straat 9, Onrusrivier, Hermanus, 7201, Wes-Kaap
Vanaf R3 100 per nag (plek vir 13)

Beskrywing

Onrus Beach House bied selfsorgvakansieverblyf met 'n see-uitsig en is in die hartjie van Onrusrivier, Hermanus geleë. Dié huis is die ideale opsie vir 'n gesin of groep vriende wat op soek is na 'n kuswegbreek aangesien dit stapafstand vanaf die strand is.

Die dubbelverdiepinghuis bied slaapplek aan 13 gaste en beskik oor 5 slaapkamers en 5 badkamers. Die eerste 4 slaapkamers het 'n elk 'n koningingrootte-bed en die vierde slaapkamer het ook 'n stapelbed. Die vyfde slaapkamer het 3 enkelbeddens. Daar is bad-en stortgeriewe. Alle linne en badhanddoeke word voorsien, maar gaste moet hul eie swemhanddoeke saambring.

Die oopplan-leefarea is op die boonste verdieping en het 'n kombuis wat met 'n gasstoof, elektriese oond, lugbraaier, mikrogolf, yskas-vrieskas, eetgerei, breekware en 'n koffiemasjien toegerus is. Die opwaskamer het 'n skottelgoedwasser en die wasgoedkamer het 'n wasmasjien en 'n tuimeldroër. Die kombuis lei na 'n etenstafel waar gaste hul maaltye kan geniet.

Die huis het 2 sitareas wat onderskeidelik 'n kaggel en 'n TV met die volle DStv-pakket het. Gratis WiFi is beskikbaar. Die boonste verdieping lei na 'n onderdakbalkon met 'n etenstafel en 'n ingeboude braai. Daar is ook 'n tuin agter die huis met sitplek rondom die vuurput en nog 'n ingeboude braai.

Kry ’n Kwotasie