Oppi-Koppie

Selfsorg

Kapasiteit: 10 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Uitkykstraat 73, Suiderstrand, 7287, Wes-Kaap
Vanaf R6 000 per nag (plek vir 10)

Beskrywing

Oppi-Koppie is 'n selfsorgvakansiehuis met pragtige uitsigte oor Suiderstrand en die see. Suiderstrand word heeltemal omring deur die Agulhas Nasionale Park met baie interessante fauna en flora. Daar is talle wandelpaadjies en voetslaanroetes om te volg en die pragtige strand het baie rotspoele en seediertjies.

Die huis bied slaapplek aan 10 gaste en beskik oor 5 slaapkamers, 4 badkamers en 'n oopplan-kombuis en -leefarea. Vier van die slaapkamers het 'n dubbelbed en die vyfde slaapkamer het 2 enkelbeddens. Drie van die slaapkamers het en suite-badkamers.

Die kombuis is volledig toegerus vir selfsorg met 'n stoof, oond, yskas-vrieskas, mikrogolfoond, eetgerei en breekware. Die eetarea het 'n ingeboude braai-area en die sitkamer het 'n gemaklike sitkamerstel. Daar is 'n tweede kombuis wat toegang tot 'n oop dek met braaigeriewe bied. Daar is ook 'n onthaalarea met 'n pool-tafel en tafeltennis. 'n DStv-koppelpunt is beskikbaar en gaste moet hul eie dekodeerder en slimkaart saambring as hulle van dit gebruik wil maak.

Kry ’n Kwotasie