Outeniqua Strandhuis

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: Meelogielaan 8, Outeniekwastrand, Grootbrakrivier, 6525, Wes-Kaap
Vanaf R1 050 per nag (plek vir 2)

Beskrywing

Outeniqua Strandhuis bied selfsorgverblyf in 2 pragtige selfsorg-opsies in Outeniqua Strand, Grootbrakrivier en spog met asemrowende see-uitsigte regdeur die huis.

Die Strandhuis het slaapplek vir 8 volwassenes en 2 kinders onder die ouderdom van 12. Die eerste slaapkamer is ingerig met 'n koningingrootte-bed en 'n en suite-badkamer met 'n bad, stort, dubbelwasbak en toilet. Die tweede en derde slaapkamers het elk 'n dubbelbed, terwyl die vierde slaapkamer 'n dubbelbed sowel as 'n dubbelslaapbank vir 2 kinders het. 'n Stort, bad, wasbak en toilet is beskikbaar in die tweede badkamer terwyl die derde badkamer net 'n stort het.

Die hoofleefarea het 'n oopplan-ontwerp met 'n kombuis, 'n eetarea en 'n leefarea. Die kombuis is volledig toegerus met 'n gasstoof, elektriese oond, mikrogolf, yskas-vrieskas, ysmasjien, eetgerei en breekware asook tee- en koffiemaakgeriewe. 'n Skottelgoedwasser, 'n wasmasjien en 'n tuimeldroër is beskikbaar.

Van die kombuis af lei 'n etenstafel met sitplek vir 10 waar gaste hul maaltye saam kan geniet. Die sitkamer het 'n kaggel, gemaklike sitplek en 'n TV en gaste het toegang tot gratis WiFi. Deur die skuifdeur is daar 'n lieflike groot balkon met 'n houtkaggel en 'n gasbraai. Die huis het sonpanele en sal dus krag hê tydens beurtkrag.

Die Strandhuis Woonstel het 1 slaapkamer met 'n koningingrootte-bed vir 2 volwassenes en daar is 2 slaapbanke vir 2 volwassenes in die sitarea. Dit het 'n privaat ingang asook 'n see-uitsig. Die badkamer het 'n stort, bad, dubbelwasbak en 'n aparte toilet.

Daar is 'n oopplan-kombuis en -leefarea. Die kombuis is toegerus met 'n yskas, stoof, mikrogolf, lugbraaier, koffiemasjien en 'n ketel. Die leefarea het 'n TV en 'n dubbelslaapbank.

Die woonstel is op die grondvloer geleë en het sy eie boma, braaigeriewe en grasperk.

Die ligging van die eenhede is naby die strand, 15 km vanaf George Lughawe, 20 km vanaf George en 29 km vanaf Mosselbaai.

Kry ’n Kwotasie