Panorama Chalets

Selfsorg

Kapasiteit: 75 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 2 km buite Graskop op die R533, Graskop, 1270, Mpumalanga
Vanaf R450 per nag, vir 2 mense

Beskrywing

Panorama is ideaal geleë op Mpumalanga se platorand, 2 km buite die dorp langs die R533. Die asemrowende uitsig oor die Graskopkloof en die Laeveld het al menige besoeker se hart gesteel. Die hoë berge en kranse, die woude en grasvelde, die watervalle en rivier is alles sigbaar vanaf hierdie betowerende plek. Dit is voorwaar die perfekte plek vir jou volgende vakansie of reis.

Ons voorsien akkommodasie en oornagverblyf vir selfsorg-, karavaan-, motorwoonwa- en kampeergaste wat op reis of met vakansie is. Stadsjapies wat vuisvoos is kom ontspan hier in die rustige atmosfeer en verlustig hulself in die vars lug en die oop ruimtes.

Ons swembad is van natuurlike rotse gebou op die randjie van die Graskopkloof en is heerlik verfrissend.

Divine Foods @ The View Restaurant is gelisensieerd en bied ontbyt, ligte etes, middagete en aandete. Dis vanaf Maandag tot Sondag tussen 08:00 en 20:00 oop (laaste bestellings).

Die kiosk en kurio-winkeltjie het 'n groot verskeidenheid verversings, geskenke en speelgoed. Die kunsgalery is in die restaurant en bied verskeie kunswerke van plaaslike en Suid-Afrikaanse kunstenaars.

Daar is ook 'n speletjieskamer met 'n trampolien.

Vir die meer avontuurlustige gaste is daar talle doendinge in die Graskop-area soos abseil, riviervlotvaart, perdry en die groot swaai. Vir gaste met 'n kennislus is daar 'n sy-plaas, 'n koffieplaas en grotte om te verken.

Kry ’n Kwotasie