Perlhuhn's Nest

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Sekelbosrylaan 2053, Marlothpark, 1321, Mpumalanga
Vanaf R2 200 per nag (plek vir 9)

Beskrywing

Perlhuhn's Nest is 'n selfsorgvakansiehuis in Marloth Park wat aan die Krokodilrivier en die suidelike grens van die Krugerwildtuin, Mpumalanga, grens. Hierdie huis is 'n perfekte wegbreek vir familie en vriende wat kwaliteittyd in die natuur wil geniet.

Dié huis het slaapplek vir tot 6 volwassenes en 3 kinders in 3 slaapkamers en 4 badkamers. Die eerste slaapkamer is ingerig met 'n koninggrootte-bed en 'n enkelbed en het toegang tot 'n en suite-badkamer wat toegerus is met 'n bad, stort, wasbak en toilet. Die tweede en derde slaapkamer is ingerig met 'n koninggrootte-bed en 'n enkelbed (soos versoek) en het en suite-badkamers wat toegerus is met 'n stort, wasbak en toilet. Die gedeelde badkamer het 'n bad, stort, wasbak en toilet. Linne en badhanddoeke word voorsien; gaste moet egter hul eie swemhanddoeke saambring.

Die kombuis is volledig toegerus met 'n yskas-vrieskas, gas- en elektriese stoof, oond, mikrogolf, skottelgoedwasser, wasmasjien, eetgerei, breekware, Nespresso-masjien en 'n filterkoffiemasjien.

Die sitkamer is ingerig met gemaklike rusbanke en 'n groot etenstafel. Die sitkamer maak oop op 'n onderdakstoep wat met buitemeubels en nog 'n etenstafel ingerig is.

Toegang tot Wi-Fi is beskikbaar en 'n omskakelaar sal help wanneer daar beurtkrag is. Gaste het toegang tot 'n klein swembad buite en braaigeriewe rondom 'n boma. Parkeerplek op die perseel is onder skadudoek en genoeg vir 3 voertuie.

Die eiendom bied die geleentheid om plaaslike natuurlewe vanaf die stoep te besigtig, aangesien die eiendom na parkgrond aan die voorkant kyk. Hierdie eiendom is naby winkels, restaurante en verskeie wildbesienswaardighede soos die Krokodilrivier en die Krugerwildtuin, daar is ook ander besigtigings beskikbaar of selfs visvang.

Kry ’n Kwotasie