Platteland Country House

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Lisbon Plaas, Settlers, 0430, Limpopo
Vanaf R4 200 per nag (plek vir 12)

Beskrywing

Platteland Country House is op 'n plaas naby Settlers in Limpopo geleë en bied gehalte-verblyf vir 'n gesin of groot groep vriende. Breek weg uit die stad na 'n knus, ruim plaashuis wat slaapplek vir 12 gaste bied.

Die huis beskik oor 6 slaapkamers, elkeen met 2 enkelbeddens en 'n en-suite badkamer.

Die ruim kombuis is toegerus met alles wat gaste sal nodig hê vir 'n sorgelose selfsorgwegbreek. Daar is 'n gasstoof, elektriese oond, mikrogolf, yskas, koffie- en teemaakgeriewe, breekware en eetgerei.

Daar is 'n lieflike, lang etenstafel waar die hele gesin saam vir ete kan aansit, sowel as gemaklike sitplek in die sitkamer en op die stoep waar gaste luilekker kan uitspan en 'n vroegoggend koppie koffie geniet terwyl die son opkom.

Die boma is ideaal vir 'n kuieraand om die braaivleisvuur of potjie.

Daar is oorgenoeg plek op die plaas om verskeie doendinge aan te pak insluitend kleiduifskiet, bergfietsry, in die gronddam swem, boomhuis vir die kinders en voetslaan.

Kry ’n Kwotasie