Plekkie in die Son

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Buisfonteinplaas Afdeling 6, Buisfontein, Bela-Bela, 0480, Limpopo
Vanaf R1 600 per nag (plek vir 2)

Beskrywing

Plekkie in die Son bied selfsorgverblyf naby Bela-Bela, 'n dorp wat bekend is vir sy warmwaterbronne, maar ook vir besienswaardighede, soos Zebula, die Elements Private Golf Reserve, Waterberg Zipline-toere en die Bambelela Wildlife Care and Vervet Monkey Rehabilitation Facility. Dit is ook net 1 uur se ry van Pretoria af.

Plekkie in die Son het slaapplek vir 4 gaste en beskik oor 2 slaapkamers, 2 badkamers, 'n oopplan-kombuis en -leefarea met 'n pragtige uitsig op die Waterberge. Elke slaapkamer het lugversorging, 'n dubbelbed en sy eie badkamer. Die eerste badkamer het 'n bad en 'n stort en die tweede badkamer het 'n bad.

Die kombuis is met 'n stoof, oond, yskas-vrieskas, mikrogolf, ketel en 'n broodrooster toegerus. Daar is lugversorging in die sitarea en 'n platskerm-TV met sekere DStv-kanale. Die leefarea bied toegang tot 'n onderdakbalkon met 'n ingeboude braai, buitesitplek, sonstoele, 'n gasbraai en 'n plonspoel. 'n Dubbelmotorafdak is beskikbaar as parkeerplek.

Berghuis bied slaapplek aan 2 gaste en het lugversorging, 'n slaaparea, badkamer en 'n oopplan-kombuis en 'n leefarea met 'n pragtige uitsig op die Waterberge. Die slaaparea het 'n dubbelbed en die en suite-badkamer het 'n stort, toilet en 'n wasbak.

Die kombuis is met 'n stoof, lugbraaier, yskas-vrieskas, mikrogolf, ketel en broodrooster toegerus. Die sitarea het lugversorging, 'n omsetter, staanwaaier, en 'n platskerm-TV. Daar is ook 'n DStv-dekodeerder. Die leefarea lei na 'n stoep met 'n braai.

Aktiwiteite op die perseel sluit voetslaan, swem, 4x4-roetes, voëlkyk en wildkyk in.

Kry ’n Kwotasie